MJ Husu Familia Labele Subar Dadur Prizoneiru

DILI-Ministru Justisa (MJ) Dionisio Babo Soares apela ba familia sira, atu la bele subar dadur nain 5 nebe foin lalais halai husi prizaun Becora, to’o oras nee seidauk entrega an.

Tuir Ministru Babo katak, oras nee Ministeriu Justisa kontinua servisu hamutuk ho instituisaun seluk liu-liu komandu PNTL, atu halao nafatin aprosimasaun ho familia. Nune bele lori fali dadur nain 5 ba prizaun hodi kumpri sira nia dever.

Ami husu ba familia nebe sei proteje dadur nain 5 nee,kontra lei, tan nee diak liu familia sira kopera ho polisia atu entrega fali sira,tamba sira nain 5 nee kriminozu. Iha biban nee husu ba familia sira labele proteze fali ema kriminozu sira nebe hetan ona mandatu nebe tribunal hasai ona, dehan MJ Dionisio Babo ba jornalista hafoin partisipa iha Workshop konaba avaliasaun servisu, nebe halao iha Sekretario Estadu Teras Properioridade Servisu Cadestrais iha Bebora, Kinta (12/12.)

Nia hatutan tuir informasaun, husi dadur nain 5 nee balun iha ona nasaun vizinu hanesan Indonezia. Tan nee parte Polisia kopera ona ho Polisia sira Indonezia para tau matan no kontrola sira, karik sira nain 5 balun halai duni ba. Informasaun kompletu iha STL Jornal no STL Web, edisaun Sesta (13/13/2013). Domingas Gomes

LEAVE A REPLY

Please enter your comment!
Please enter your name here