MNE Apela Ba Estudantes iha Indonesia Tenki Hatama Naran iha Lista Embaxada TL

DILI- Vise Ministru Negosiu Estranjeiru (MNE) Constançio da Conceição Pinto, apela estudante hotu-hotu nebe halao estudu iha Indonesia inklui rai seluk, tenki hatama naran iha lista embaixada Timor Leste (TL).

Vise MNE Constançio dehan wainhira naran estudante Timor la tama iha Lista embaxada Timor, se karik sira hetan asidenti ruma, embaxada sei la hatene sira, tamba ne’e nia husu ba inan aman sira nebe haruka sira nia oan ba eskola iha rai liur, tenki rejistu iha embaxada.

hau apela ba inan aman sira ba estudante sira hotu-hotu ba eskola iha Indonesia ka iha rai seluk atu bele fo hatene ba ita nia embaixada katak, sira bele hatene ema ne’e ba eskola ka  ba pasiar ou ba servisu, tanba wainhira problema ruma ita atu hatene halo nusa, oinsa mak ita atu  fo ita nia asistensia ba ita nia embaixada, ninia dever mak ne’e apoiu ba ita nia sidadaun sira no defende ita nia interese iha rai seluk, hateten Vise MNE Constançio ba STL  iha nia knar fatin  Pantai Kelapa, Dili foin lalais ne’e.

Deputadu bankada CNRT Cesar Valente hateten, konaba naran estudante sira nebe’e mak kontinua sira nia estudu iha Indoensia laiha, sira nain rasik mak buka meius oinsa para ba fo hatene embaixada, atu nune’e embaixada bele hatene, ema ne’e mai eskola ka mai buka servisu. Informasaun kompletu iha STL Jornal no STL Web, edisaun Sesta (25/10).  Jacinta Sequera

1 COMMENT

  1. Maun bot sira nebe agora kaer pasta estado no mos sira nebe tur iha parlamentu nacional mak ami respeita, ami mai iha indonesia nee uja deit ami nia dollar nebe karik estadu hakarak hatene tuir nia emar sira nebe iha rai liur entaun estado mak buka jeitu atu buka, laos fo todan fali ba ami atu idak idak tenki hali ba iha jakarta atu tau naran fali iha embaisada. ami mai ona iha indonesia nee estado tenki agradese tanba ami mai rasik no la husu ajuda ba estado. karik maun alin barak ona nebe estuda iha indonesia balun mak buka organisasi ba atu baku malu too oho malu nee sira nia problema laos estudante hotu hotu. ami mai iha indonesia nee at estuda nebe ami husu deit ba estadu atu manage fali estudante nebe atu mai ikus nee, karik departemento nebe iha timor iha ona entaun estudante lalika mai iha indonesia atu estuda maibe iha timor deit mos nato ona. tanba dala barak estudante iha indonesia nee halai tuituir malu, exemplo ninia kolega ida ba hili ona departamento geologia entau dada malu ba hamutuk iha neba, nebe iha indonesia nee departemeto balun ita hare nee hanesan iha timor fali, timor oan mak barak liu fali rai nain,……

LEAVE A REPLY

Please enter your comment!
Please enter your name here