Naok Osan Mean, Roberto Hetan Pena Suspensaun

DILI- Tribunal Distrital Dili (TDD) liu husi leitura akordaun aplika pena suspensaun tinan 2 fulan 6 ba arguido Roberto Tilman Soares, tanba provado foti lejada Terezinha de Jesus nia osan mean.

Liu husi leitura akordaun juis hatete, iha 2002 arguido halo krime furtu agravadu ba lejada nia uma liu husi janela hodi foti osan mean no sasan nebe mak temi iha akuzasaun nia laran. Tribunal la fiar deklarasaun husi arguido nebe dehan ba sosa sasan mean iha Atambua hodi fo ba fen primeiro.

Iha akuzasaun husi Ministeriu Publiku katak iha Junu 2002 iha Becora, Because Kraik arguido halo rahun janela uma nian hodi foti korenti 3, kelu 4, brinkus 5 ho brinkeiro 8. Estatu nossa senhora, kamera ho osan $65.00

Iha fatin hanesan lejada Terezinha de Jesus hatete, nia la hatene ema tama ba nia uma. Maibe nia konsege hetan fali brinkus, kelu no korenti. Nia hetan fali brinkus iha arguido nia kaben naran Ariska uza iha nia tilun. Nemak nia husu tuir fali dehan brinkus nee o sosa husi se, nemak Ariska dehan nia sosa husi Antonio Angola ho folin $20. Nia mos sosa fali husi Ariska ho folin $20.

Iha fatin hanesan sasin Prisca Veronica hili la koalia buat ida ba iha tribunal. Nunee sasin Martinha Pinto hatete, iha 2002 nia mos sosa brinkus husi Ariska. Tanba iha momentu nee Ariska presija duni osan atu sosa susuben ba nia oan. Brinkus nee Ariska dehan nia kaben mak fo ba nia. Informasaun kompletu iha STL Jornal no STL Web, edisaun Kuarta (16/7/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...
%d bloggers like this: