Nelinha Husu Fila Uma, Lusiano Fila Tuku Isin 2 Iha Kabun

DILI-Arguidu Lusiano do Rojario Soares tenke hatan iha Tribunal tanba tuku isin rua iha lejada Nelinha Sarmentu Caldas nia kabun, nebe momentu nee lejada ho kondisaun gravida fulan ida.

Iha akuzasaun Juis singular Jose Maria de Araujo lee sai akuzasaun katak iha loron 18/9/2013 arguidu telefone ba lejada hodi hasoru malu iha Colmera. I altura nee lejada ho nia prima mak iha neba, arguidu haruka lejada ho nia prima fila hodi sae taxi no arguidu mos sae tuir hotu. Nunee iha dalan klaran arguidu haruka lejada nia prima tun tiha. Hodi nunee arguidu ho lejada ba to iha arguidu nia uma iha Lurumata.

To iha neba lejada husu atu fila uma ona, ho ida nee halo arguidu nerfoju hodi tuku isin rua iha lejada nia kabun parte karuk. Ho hahalok ida ne’e Ministeriu Publiko akuza arguidu komete artigu 145 kodigo penal ho krime Violensia Domestika, ofensas integridade simplest.

Iha julgamentu arguido Lusiano do Rojario Soares hili nonok. No parte lejada deklara katak, momentu nee sira konvida malu hodi hasoru malu iha Colmera. No sira nain rua ho taxi ba liu iha arguidu nia uma iha Lurumata. Tanba halimar kleur ona, nia husu ba arguidu para fila uma ona. Maibe arguidu lakohi halo arguidu nervoju hodi tuku iha nia kabun dala rua.

Depois rona tiha deklarasaun husi parte rua, tribunal husu ba parte Ministeriu Publiko no parte defesa atu halo alegasaun. Nunee parte MP husu ba tribunal atu aplika pena prizaun fulan hat (4) no suspende ba tinan ida fulan nen. Entertantu parte defesa husu ba tribunal atu aplika pena suspensaun ba arguidu, tanba oras ne’e dadaun lejada ho situasaun gravida. Informasaun kompletu iha STL Jornal no STL Web, edisaun Kinta (20/3/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...
%d bloggers like this: