ONG Ezizi Halo Revizaun Ba Lei PV, Iha Tempu Badak Sei Hato’o Petisaun Ba PN

DILI-Sosiadade sivil iha Timor Leste (TL) kompostu husi FONGTIL, Fundasaun Mahein, Hak, CNJTL, FTM ezizi ba Membru Parlamentu Nasional (PN) atu halo revizaun ba lei Pensaun Vitalisia (PV), no iha tempu badak sira sei hato’o petisaun ba membru komisaun A PN.

Tuir Direitor Fongtil, Arsenio da Silva Perreira katak, sira ezizi ba membru PN konaba ezijensia  revizaun politika Pensaun Vitalisia, tamba ne’e, iha tempu badak sira sei hato’o petisaun ba membru PN liu-liu komisaun A.

Bazeia ba direitu ba petisaun nebe’e ita nian konstituisaun konsagra iha artigu 48, maka ami sidadaun nain hirak nebe’e haknar iha organizasaun sosiedade civil ka ONG halibuar malu iha FONGTIL, iha biban ne’e ezizi ba sua exelensia sira atu foti medidas tuir ida-idak nia kompetensia hodi hadia ka halo revizasaun politika konaba pensaun vitalisia ba ex-titular orgaun soberania, ex-membru governu no ex-deputadu sira, hateten Arsenio ba jornalista iha edifisiu FONGTIL Caicoli, Dili, Kinta (17/07).

Iha fatin hanesan Prezidentu Conselhu Nasional Joventude Timor Leste (CNJTL), Leovigildo da Costa Hornai hateten, uluk iha kampania partidu ida-idak promesa ba povu katak, bainhira manan sira atu implementa programa sira ne’e, maibe to’o ikus povu fo votus sira nunka atu fo preoridade ba asuntu ne’e. Informasaun kompletu iha STL Jornal no STL Web, edisaun Sesta (18/7/2014). Jacinta Siquera

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: