Operasaun Dadur Nain 3 Kontinua Lao

DILI-Governu liu husi Ministeriu Justisa (MJ) no Sekertario Estadu Seguransa (SES), oras nee servisu hamutuk hodi kontinua halao operasaun ba arguido nain tolu nebe halai sai husi komarka Becora, oras nee sei buronan iha liur.

Ministru Justisa Deonisio Babo hatete, oras ne’e parte rua servisu hamutuk hodi kontinua halo operasaun ba dadur nain tolu. Parte esforsu makas hela para oinsa atu bele halo kapturasaun fali ba sira. Nebe oras ne’e parte husi Polisia halo hela operasaun ba sira.

Ultimatum nebe maka fo ba sira liu ona. Nebe sei foti fali prosesu foun hasoru sira, tanba sira kontra ona lei no entrega fali kazu nee ba iha ministeriu publiko. Oras ne’e husi nain hirak nebe maka halai hamutuk iha fulan hirak liu ba. Oras ne’e dadaun nain 3 mak sei iha liur hela, dehan MJ Dionisio ba jornalista iha PN, foin lais ne’e.

Entertantu Sekertario Estadu Seguransa Francisco da Costa Guterres hatete, operasaun ba dadur nain tolu, oras ne’e kontinua lao hela. Polisia sira kuntinua halo hela kapturasaun liu husi operasaun nebe mak oras nee lao hela. Informasaun kompletu iha STL Jornal no STL Web, edisaun Kinta (23/1/2014). Domingas Gomes

LEAVE A REPLY

Please enter your comment!
Please enter your name here