Pagamentu Tarde, Emprejariu Konsideira Governu Tara Sira Ba Mate

DILI– Governu Liu hosi Ministeriu Obras Publiku, la halo pagamentu lalais ba kompania sira nebe kaer projetu Emerjensia iha Distritu, maka emprejariu nasional konsideira Governu tara sira ba mate, tamba emprejariu barak maka foin hahu halao sira nia knar, tan nee husu Governu atu ulun malirin rejolve lalais pagamentu nebe durante nee Governu debe.

Tuir prezidente Camara Comersiu Industria Timor Leste (CCI-TL) Distritu Ermera Alberto Araujo informa, durante nee Governu debe kompania sira bebeik ona, dala barak tinan ida rua maka foin halo pagamentu, nee hanesan atu tara mate kompania Timor oan sira nebe maka foin hamrik.

Ita hare katak pagamentu tarde nee governu atu hamate deit emprejariu sira, projetu emerjensia barak maka to’o oras nee governu seidauk selu, nee prejudika emprejariu atu lao ba oin no governu laos atu suporta emprejariu, maibe atu muda fali ba kotuk, tamba governu rasik la mantein ninia suporta, dehan Prezidente CCI-TL Distritu Ermera Alberto Araujo ba STL Kinta (03/07/2014) iha Salao Delta Nova.

Iha fatin hanesan Sekretariu Estadu Apoiu Seitor Privadu Veneranda Lemos hateten, pagamentu tarde ba Emprejariu sira nee, sistema nebe maka atu loke ema hotu nia matan hodi hare, tamba  hanesan Seitor privadu la fo sala ba ema ida, maibe tenke hare fila fali prosesu pagamentu hosi Ministeriu finansa. Informasaun kompletu iha STL Jornal no STL Web, edisaun Sabado (5/7/2014). Madalena Horta/Timotio Gusmao

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: