Partisipasaun Povu Iha 28 Novembru Menus

Kraras- Seremonia 28 Novembru ne’ebe hala’o iha Distritu Viqueque, Subdistritu Viqueque Vila Suku Bibileo-Craras, la hetan partisipasaun masimu husi povu, tanba sem kordenasaun entre governu ho autoridade lokal sira.

Tuir komunidade Kraras Andre da Conceição katak sira lahatene informasaun kona ba seremonia ne’e, sira hakfodak tebes bainhira hare ema barak konsentra iha fatin refere. Maske komunidade barak mak hakfodak ho seremonia bo’ot ne’e, tanba laiha koperasaun ne’ebe diak entre governu ho sira, maibe sira kontenti tebes tanba 28 Novembru, selebra duni iha sira nia suku.

Povu balu hakfodak duni ho seremonia ne’e tanba sira lahatene, derpente deit ema barak mai iha fatin ida ne’e, maibe sira mos kontenti tanba governu mos bele hala’o seremonia hanesan iha sira nia suku laran, tamba foin premeiraves, hateten Andre ba STL iha Kraras, Viqueque, Tersa (26/11/2013).

Maibe Ministru ESTATAL Jorge Teme fo sala ba autoridade local sira, tanba ida ne’e kompetensia Administrador sira nian. Tuir Jorge Teme katak, fatin ida ne’e prepara husi Viqueque ona sira ne’ebe hanesan autor Vivo, ne’ebe kuñesidu ho naran Komandante Tera Bulak, ho Saudozu Komandante Ular-rihik. Informasaun kompletu iha STL Jornal no STL Web, edisaun Kuarta (27/11/2013). Joao Anibal

LEAVE A REPLY

Please enter your comment!
Please enter your name here