PD Aprezenta Silveiro Pinto ba Kandidatura PDHJ, Governu Sei Diskuti Konseilu Ministru

DILI- Bankada Partidu Demokratiku (PD) iha Uma Fukun Parlamentu Nasional (PN), Aprezenta Silveiro Pinto Baptista sai Kandidatura Provedor Direitus Humanus no Justisa (PDHJ), maske Silveiro oras ne’e kandidatura ba Komisariu Komisaun Anti Korupsaun (KAK).

Bazea ba informasaun publiku nebe iha Adjuntu PDHJ, Silveiro Pinto Baptista Nebe governu Aprezenta sai Komisariu KAK hamutuk ho Diretur Defensor Publiku Sergio Hornai ba Parlamentu Nasional atu Hili, maibe Silveiro Rezigna Aan ona husi Kandidatura ne’e.

Ba Kestaun nee’e Vice Primeiru Ministru Fernando La Sama da Araujo Hatete, Tersa (8/7/2014) Konseilu Ministru Sei hare hodi diskuti, tamba desizaun nebe mak iha mai husi Konseilu Ministru nian.

Ami seidauk hatene buat ida kona ba Silveiro Pinto nia rezignasaun nee’e hau saidauk rona silveiro rezigna Aan, dehan Lasama ba Jornalista Foin lalais ne’e, iha Edifisiu Centru Kultura Xanana Gusmao, Licidere.

Iha fatin ketak Deputadu Bankada CNRT Cesar valente hatete Silveiro Pinto Seidauk rezigna Aan husi Kandidatura nebe governu Aprezenta hanesan Kandidatura ba Komisariu KAK Hamutuk ho Diretur Defensor Publiku Sergio Hornai. Informasaun kompletu iha STL Jornal no STL Web, edisaun Tersa (8/7/2014). Timotio Gusmao

LEAVE A REPLY

Please enter your comment!
Please enter your name here