PN Agradese, Autor Oho Estudante 2 Surabaya Hetan Kapturasaun

DILI- Reprezentante Povu iha uma fukun Parlamentu Nasional (PN) Agradese ba Policia Indonesia, tamba halo ona Kapturasaun ba Autor nebe oho Estudante Timor oan nain rua Iha Surabaya Indonesia foin lalais ne’e.

Autor nebe Mak Policia Indonesia kaer hodi fo sai iha Media Indoensia mak hanesan Mariano Vicente, Joao Nico Fernandes nain rua husi Kupang-NTT Indonesia no nain rua seluk hanesan  Joao Afonso Ribeiro da Silva Sauda Pereira no Domingos Romaldo Pereira nudar sidadaun Timor oan.

Relasiona ho Autor nebe mak Konsege kaptura tiha ne’e, Reprejentante Povu iha PN, husi Bankada CNRT Arao Noe hatete polisia Indonesia Kaptura ona Autor sira nebe halo asaun hodi oho mate estudante nain 2 iha Surabaya Indonesia ne’e Agradese.

Autor nebe mak oho Estudante nain 2 iha Surabaya nebe kaptura tiha ona hau agradese ba parte polisia Indonesia nebe halo ona servisu nebe masimu hodi kaptura Autor sira, ami husu tenki halo prosesu judisial tuir prosesu normal, dehan Arao ba STL Kinta (24/10/2013) iha Salaun Hotel Toto tower Fatuhada.

Iha fatin hanesan Ministru Justisa Dionisio Babo esplika mos katak bazea ba lei nebe mak vigora iha Indonesia, konvensaun internasional balun nebe mak iha kuandu ema ida halo krime iha nasaun ida tenki julga tuir nasaun nebe mak sidadaun ne’e halo krime. Informasaun kompletu iha STL Jornal no STL Web, edisaun Sesta (25/10). Timotio Gusmão

1 COMMENT

  1. iha nee ami hakarak hatoo deit katak autor nain rua nebe polisia indonesia kaptura nee hanesan ema neba involve ba kaju oho estudante nain rua nee, maibe sira nebe hanesan sai autor lolos(otak) nee seidauk kaer ida. autor sira agora nee sei subar hela e ami rona sira nebe seidauk kaer nee sira nia familia nee balun militar, nee mak too ohin loron seidauk kaer nee..

LEAVE A REPLY

Please enter your comment!
Please enter your name here