PN Aprova OJE 2014 Unanimidade, Fretilin Husu Labele Uza Hodi Promove Figura

DILI- Reprezentante Povu iha uma Fukun Parlamentu Nasional (PN) liu husi Debate Espesialidade Aprova Orsamentu Jeral Estadu (OJE) 2014 ho Montante Billaun 1.5 Dolar Amerikanu, liu husi Votasaun Final global ho votus Unanimidade.

Liu husi Deklarasaun votus Deputadu Bankada Fretilin Francisco Miranda Branco hatete, orsamentu 2014 governu ho parlamentu sei halao ninia knar ho didiak bazea ba mandatu Artigu 8 lei orsamentu Jeral estadu.

Ba ukun nain sira ita presiza harii kultura moe wainhira ita seidauk halo buat ida ba ita nia povu labele tenta uza osan povu nian hodi promove ita nia figura rasik, dehan Deputadu Francisco Branco liu husi Deklarasaun votus, Sesta (24/01/2014) hafoin halo Aprovasaun orsamentu Zeral Estadu iha Dabate Espesialidade.

Nune mos Deputadu Bankada PD Adriano Joao informa OJE nebe maka Aprova prienxe duni rekejitus, ho orsamentu nebe maka iha rekomenda ba governu atu bele uza didiak no hein povu sei hetan benefisiu husi orsamentu ida ne’e. Informasaun kompletu iha STL Jornal no STL Web, edisaun Sabado (25/1/2014). Timotio Gusmao

LEAVE A REPLY

Please enter your comment!
Please enter your name here