PN Hahu Resesu, Komisaun Permanenti Kontinua Halo Servisu

DILI- Parlamentu Nasional (PN) hahu halo resesu (15/07) to’o 15 de Setembru mak tama fila-fali, Maski iha resesu, maibe Deputadu sira nebe’e naran tama iha komisaun Permanenti sei kontinua halao sira nia servisu hanesan bai-bain iha PN.

“Prosesu resesu PN ninia hahu ohin, maibe la signifika aktividade PN para total, aktividade komisaun Permanenti sei lao kontinua, tanba komisaun balun ba halo estudu komparativu iha Nasaun seluk, e deputadu balun sei ba halo vizita iha Distritu, nebe’e resesu komesa ohin, maibe aktividade PN sei lao nafatin,” hateten Deputada bankada FRENTI MUDANSA (FM) Adozinda Pires ba STL iha uma fukun PN, Segunda (15/07).

Nune’e mos Deputadu bankada CNRT Antonio Ximenes hateten, maski PN halo resesu, maibe forma hela komisaun permanente ida atu servisu iha ne’e, nomos supliente karik permanente sira ne’e moras para sira bele mai troka, komisaun permanenti ne’e rasik kada bankada ema nain sia, nomos supliente.

Deputadu bankada FRETILIN Eladio Antonio hateten, husi Parlamentu Nasional agora tama iha tempu de resesu, maibe sira mos iha knar balun sei halo, no sira husi membru nebe’e selesionadu atu tama iha komisaun permanenti, atu labele husik Parlamentu mamuk, tanba ne’e, sira husi partidu hotu-hotu inklui Deputadu ne’e mos hola parte iha komisaun Permanente. Informasaun kompletu iha STL Jornal no STL Web, edisaun Tersa (16/7). Jasinta Sequeira

LEAVE A REPLY

Please enter your comment!
Please enter your name here