PN Husu Eskola Hotu Tenke Hasae Bendeira Nasional Kada Semana

DILI–Reprejentante Povu iha uma fukun Parlamentu Nasional (PN) husu ba institusaun hotu ne’ebe iha rai laran, atu hasae Bendeira Nasional no kanta Hino Nasional iha semana ida dala ida molok atu halo aktividade.

Kestaun ne’e hato’o husi deputadu bankada Fretilin Francisco Branco katak iha lei simbolu nasional, nebe Parlamentu rasik aprova, ejiji katak Ministeriu Edukasaun fo instrusaun ba eskola publiku nomos privadu iha rai laran atu halo seremonia icar bandeira kada semana.

Ezizi ba Ministeriu Edukasaun atu fo instrusaun ba eskola publika nomos eskola privada iha rai laran tomak atu hasae Bendeira Nasional nomos kanta Hino Nasional, semana ida dala ida tanba, ami nia fiskalizasaun ba lei ne’e katak minimu liu, tanba ne’e agora to’o ona iha faze ida katak persija halo formasaun sidadania ne’e tenke hahu hosi eskola, hatete deputadu Branco, ba STL iha uma fukun PN Segunda (10/02).

Iha fatin hanesan Deputadu, Eladio Faculto, mos hatete laos ba estudante deit maka iha dever atu hasae bendeira nasional no kanta Hino Nasional, maibe institusaun hotu inklui Parlamentu Nasional. Informasaun kompletu iha STL Jornal no STL Web, edisaun Tersa (11/2/2014). Thomas Sanches

LEAVE A REPLY

Please enter your comment!
Please enter your name here