PN Konsidera Dezemvolvimentu Abansadu Iha Kapital Dili

DILI-Relasiona estranjeiru sira nebe’e mak mai investe iha Timor Leste (TL) no hari uma iha fatin-fatin hodi halao sira nia aktividades negosiu, reprejzntante povu iha uma fukun Parlamentu Nasional (PN) konsidera katak, dezemvolvimentu iha kapital Dili abansadu tebes.

Kestaun ne’e hato’o husi Xefi Bankada CNRT, deputadu Natalino dos Santos, ba STL katak iha area Dili laran, oras ne’e nakonu ho negosiante Xineza sira. Alende ne’e negosiante Xineza sira mos kontinua tama sai distritu to’o sub distritu.

Ita hare katak, iha parte Bairo Pite, Hudi Laran ne’e Xina sira hari uma bar-barak, no iha fatin seluk tan, tanba ita hare investimentu Xina sira nian ne’e maka’as tebes iha ita nia rai, Estrada ninin sira ne’e kuaze sira mak atu domina, tanba ne’e, hau husu ba governu presiza atu hare ida ne’e, selae iha future Xina sira mak sei okupa hotu ita nia rai, ita sei ba hela hotu iha Distritu, ita la hatene, sira halo uma ne’e rai sosa ka ou aluga deit, hateten Deputadu Natalino ba STL, iha uma fukun PN Kuarta (14/08).

Deputadu bankada FRETILIN Antoninho Bianco hateten, lolos ne’e governu tenki halo regulamentu ida ba ema estranjeiru sira nebe’e mak mai halo investimentu ho modal nebe bo’ot, nomos kontrola sira nia vistu. Informasaun kompletu iha STL Jornal no STL Web, edisaun Kinta (15/8). Jasinta Sequeira

2 COMMENTS

  1. negosiante estranzeiro China sira mai nakonu tena i oras mak foin hakfodak….DNTP mak tem que ba hola dadus kona rai sira nebe mak ema china sira ocupa hodi halo sira nia negosiu ne. Rai mak ChinChan sira uja ne nia status kepemilikan oin sa ….i nune para bele fo ralatorio ba governo ou PN hodi haatene…..secretario estado DNTP tem que perintah nia staf sira halao serviso ida ne…..

    • Hau konkorda ho Salurik Timor nia idea hau husu boot para DNTP bele halao lais prosesu ida ne .
      Se lae diak liu mk ita povu rasik mk tenki ser halo asaun rasik ba sira(Cina) atu nune sira taukkk,

      Tuir hau nia hatene katak ema estrangeiru kuandu mai halo investimentu iha ita nia rain ne katak se nia mai investe mesak ntaun nia tengki ho osan montante minimu maka 1.500.00 dollar amerika maibe nia osan 50 persen tengki rai iha banku, 50% maka hodi halo buseness. se karik nia mai halo investimentu parseiru ho ita nia nia ema lokal ntaun nia tengki ser mai ho orsamentu montante US$750.00 dollar amerika,,,,

      maluk sira, ho ida ne hau hakarak husu deit katak cina sira agr faan iha dalan ninin ne nia osan to hanesan ida hau mensiona iha leten ka lae? i balun ba faan to distritu no subdistritu neba ne ho osan minimu hanesan hau temi iha leten ka lae? karik lae natun halo nusa mak ita nonok deit. i tamba saida mk ita nia guvernu la halo medidas ou asaun konkreta ruma ba negosiante cina sira ne. Maibe iha parte seluk kuandu ita nia guvernu haree ita nia povu sira faan iha dalan ninin sira sempre ba duni no straga ita nia povu aileva sira nia sasan, mais ba cina ita nia guvernu tauk atu duni no straga no hasai sira.
      Maluk sira kariik ita lahalo buat ruma agr entaun ita nia beioan sira sei sai aatn ba cina sira i ita nia moris iha futuru mai sei sai krizi politika no ekonomia bainhira buat hotu ema estrangeiru mk halo no ita rai nain sei sai penonton.

      Ikus liu , hau nia mensajem mk ne: hau husu ba maluk sira nebe lee ida ne favor ida aumenta idea ruma ba asuntu importante ne i karik hau nia ideia nebe la diak bele fo idea ruma ou aumenta tan ba para ita bele luta ba ita nia nasaun nia futuru no ba ita nia oan no beioan sira nia diak ikus mai,,

LEAVE A REPLY

Please enter your comment!
Please enter your name here