PN Kontinua Hakilar Governu Ba Povu Nia Preokupasaun

DILI- Membru Parlamentu Nasional (PN) liu husi sesaun plenaria kontinua hakilar nafatin membru governu, relasional ho povu nia preokupasaun ba problema be’e mos, eletrisidade, kondisaun estrada, edukasaun no problema seguransa iha rai laran.

“Iha distritu balun komunidade seidauk hetan be’e mos nebe’e mak diak, no eletrisidade, estradas, inklui mos problemas saude ninia, tanba ne’e bainhira halo plenaria ita hotu tur iha ne’e sempre foti hela deit problema ne’e hodi governu bele rezolve preokupasaun nebe’e mak durante ne’e ita sempre foti liu husi sesaun plenaria,” dehan Deputadu bankada PD Adriano João ba jornalista liu husi sesaun plenaria iha PN Tersa (9/7).

Preokupasaun nebe’e fo sai husi Deputadu Jacinto Viegas Vicente katak konaba seguransa mos to’o agora povu sira sempre preokupa, husu ba governu oinsa mak atu hare didiak area seguransa ne’e, no oinsa mak atu hare mos area infransturtura nebe’e mak to’o agora povu  sira iha area rurais kestiona bebeik iha rai ida ne’e.

Prezidente Parlamentu Nasional (PN) Vicente Guterres afirma, problema sira nebe’e mak  deputadu no deputada sira kada loron Segunda no Tersa foti iha plenaria, Sekretariu Estadu asuntu PN sei hato’o ba iha Ministeriu no Sekretariu Estadu hodi bele hare kestaun sira ne’e. Informasaun kompletu iha STL Jornal no STL Web, edisaun Kuarta (10/7). Jasinta Sequeira/Madalena Horta 

LEAVE A REPLY

Please enter your comment!
Please enter your name here