PN Preokupa Siguransa Horta Iha Guine Bisau, Horta: “Hau Nia Siguransa Mak Maromak”

DILI–Membru Parlamentu Nasional (PN) Preokupa tebes ho siguransa Eis Prezidente Republika Demokratiku Timor Leste (RDTL) ne’eba agora dadaun sai hanesan reprejentante ONU nian Iha Guine Bisau, Jose Ramos Horta, relasiona ho elisaun ne’ebe mak sei halao iha fulan Novembru tinan ne’e.

“Hanesan Timor oan ida ami orgulhu tebes ho servisu todan ne’ebe ita bot halao iha Guine Bisau, tanba bele rejolve ona buat balun maibe ami Perkupa teb-tebes seguransa ba ita bot nia an rasik iha ne’eba (Guine Bisau), tanba iha ne’eba sei halao elisaun ida, ida ne’e situasaun ida ne’ebe ke sensetivu liu tanba ne’e ami PerkuPa tebes siguransa ba ita bot nia an rasik tanba hanesan Timor oan hotu dala ida tan ami PerkuPa tebes ho ida ne’e,” hatete Deputada, Carmelita Caetano Moniz, liu husi Plenaria iha Uma Fukun PN Tersa (25\06) wainhira Eis Prezidente, Ramos Horta, halo vizita ba iha PN, hodi hato’o ninia servisu durante ne’e iha Guine Bisau.

Deputada, Carmelita Monis, mos hatutan tan katak sira kontinua fo apoiu ba servisu, Ramos Horta, iha Guine Bisau, tanba liu hosi servisu todan ida ne’e mos bele hamorin Timor Leste nia naran iha mundo tomak.

Hatan ba Preokupasaun deputadu sira nian, Horta Hatete, labele tauk konaba ninia siguransa tanba ninia siguransa mak Maromak.

“Iha Gune Bisau ne’eba imi labele tauk konaba hau nia siguransa tanba hau nia siguransa laos uluk iha ne’e hanesan CSP, maibe hau nia siguransa mak Aman Maromak no wainhira Sekretaria Unidus haruka hau ba iha Guine Bisau, hau laos ba hasoru deit Padre no Madre sira, maibe hau hasoru military sira ne’ebe halo golpe, Partidu Politiku sira, ema droga sira no seluk,” hatete Horta. Informasaun kompletu iha STL Jornal no STL web, edisaun Kuarta (26/6). Tomas Sanches

LEAVE A REPLY

Please enter your comment!
Please enter your name here