PNTL ho F-FDTL Tenke Hametin Kamaradazen | Xanana La Tolera PNTL-F-FDTL Involve Iha Arte Marsiais

DILI—Primeiru Ministru (PM), Kay Rala Xanana Gusmao husu ba iha membru Falintil-Forsa Defeza Timor Leste (F-FDTL), ho Polisia Nasional Timor Leste (PNTL), atu hametin kamaradazen nafatin hodi halon tiha tendensiu politik, kona ba ambisaun, sukit malu, hatuun malu, no arogansiu.

Tuir PM Xanana, liu husi ninia deskursu bainhira halo abertura ba iha vizaun Estratejiku PNTL  ba 2014-2018, iha Akademia PNTL, Komoro, Dili, Segunda (15/7), katak PNTL ho F-FDTL tenke iha esperitu korpu ninian hodi servi povu ho nasaun tuir konstituisaun RDTL.

“Halakon tiha tendensia sukit malu, ne’ebe ita hanaran ambisaun, halakon tiha ida ne’e iha imi nia kakutak, halakon tiha imi nia kustumi hatuun malu, ne’ebe hanaran kompetisismu halakon tiha arogansia hamosu ideolismu foun iha PNTL ho F-FDTL nia let hodi defende ita nia konstituisaun,” hatete PM Xanana.

PNTL ho F-FDTL hotu-hotu tenke hari ninia kapasidade liu husi konsensia esperitu korpu ninian, bainhira ida moras, sira seluk mos sei ulun fatuk, ida ne’e atu bele haburas liu tan kamaradazen ne’ebe iha instituisaun PNTL ho F-FDTL, haburas ida ne’e ba hodi hamosu solidaredade konstitusional.

Iha oportunidade ida ne’e mos, PM Xanana fo hanoin tan katak, nia sei la fo toleransia ba membru PNTL ho F-FDTL involve an iha grupu arte marsiais, bainhira nia hetan, sei hasai husi membru PNTL ho F-FDTL. Informasaun kompletu iha STL Jornal no STL web, edisaun Kuarta (17/7). Oscar Salsinha

2 COMMENTS

  1. Persija hadiak mentalidade PNTL ho F-FDTL nian kona ba moral, tamba dalaruma sira halo atuasaun ruma laiha moral sempre foka sai lia mal ba komunidade tanto Lideranca Governu rasik, no mos bainhira atu rekruta ema tenke hare mos iha ninia kuinesemento ruma atu nune nia bele fasil asesu ba lei no halo tuir lei,,, se lae,,,, lei dhan oin seluk nia enterpreta oin seluk. ida ne mos persija hadiak.

LEAVE A REPLY

Please enter your comment!
Please enter your name here