PNTL Sobu Markas CPD-RDTL Balide

DILI – Polisia Nasional Timor Leste (PNTL) distritu Dili ne’ebe lidera hosi Superintendente Xefe, Pedro Belo, Kuarta (05/03) sobu markas ou abrigu grupu ne’ebe estadu konsidera illegal Conselho Popular Demokratiku-Republika Demokratiku Timor Leste (CPD-RDTL) iha Balide-Dili.

Tuir Komandante Distritu Dili Pedro Belo katak sira halo atuasaun ne’e bazea ba rejolusaun ne’ebe maka Parlamentu Nasional (PN) hasai ona ho numeru 14/III/(2a).

Primeiru de operasaun ne’e bajeia ba rejolusaun ne’ebe maka PN hasai ona ne’ebe mak fo mandatu ba PNTL, urjente halo operasaun ba grupu ilegais ne’ebe oras ne’e lao iha rai laran, tanba ne’e operasaun primeiru halo iha Balidi, sentru CPD-RDTL nian depois mak buka tuir fali nia sanak sira iha Dili laran, hatete Pedro Belo.

Pedro Belo mos hatutan katak, iha operasaun permeiru ne’e identifika membru CPD-RDTL hamutuk nain 9, feto klosan nain 3 no mane hamutuk nain 16 no sira nia identidae PNTL rekolha hotu, husu atu hamamuk fatin konsentrasaun CPD-RDTL Balide, hodi intrega ba PNTL no ema ida-ida atu hakarak ga lakohi tenke fila ba nia fatin.

Iha fatin hanesan membru CPD-RDTL, Marselino Caldas, hatete sira respeita PNTL nia atuasaun tanba bajeia ba ordem, maibe sira triste tanba hasai obrigatoriu deit. Informasaun kompletu iha STL Jornal no STL Web, edisaun Kinta (6/3/2014). Thomas Sanches/Timotio Gusmao

1 COMMENT

  1. Maske Tinan 10 resin RDTL eziste, maibe sei dauk iha kapasidade atu bele fornese nesesidade baziku hanesan infrastriktura baziku hodi fasilita komunidades iha Sub distrito sira atu garante dezenvolvimentu sosio-ekonomia no kultura. iha Ermera Sub distrito Letefoho ho Atsabe kondisaun infrastruktura aat tebes maibe sira hanesan la hola parte husi nasaun ida nee, laos Ermera deit maibe fatin seluk nebe dook husi vila hanesan hotu. ita hein bainhira loos. hau reja para depois rezolve problema MM ho CPD-RDTL, bele resolve problemas balun mak hau temi iha leten..

LEAVE A REPLY

Please enter your comment!
Please enter your name here

NEWS UPDATE

%d bloggers like this: