Preoukupa Paixon Lian Iha Tempu Kalan, PNTL Tenki Kontrola

DILI-Maske falta deit semana hirak atu tama ba loron bo’ot Natal, maibe iha tempu kalan komunidade sira komesa sunu ona Paixon. Komunidade balun hanoin ne’e kilat nebe ema tiru maibe laiha ne’e lian husi Paixon ho nune komunidade sira husu Polisia tenki hare ba paixon nebe lian iha tempu kalan.

Tuir Komunidade Arlindo Soares katak, seidauk tama iha tempu kalan lian paixo komesa ona, ho lian hanesan ne’e bele halo ema trauma no bele afeita ba sira nebe hanesan moras Jantung Lemah, fo mos impaktu ba ema iha tempu kalan tamba hanesan ne’e ema bele hanoin lian ne’e kilat maka tarutu.

Ita presiza Polisi sira bele kontrola iha tempu kalan atu nune bele  hare ba paixon nebe lian iha tempu kalan tamba ho paixon nebe lian iha tempu kalan bele halo komunidade sira trauma tamba sira bele hanoin ne’e lian husi kilat karik, hatete Arlindo, ba STL iha CCD Dili, (27/11/2013)

Anayde Xavier hanesan mos kumunidade sinte triste tamba seidauk tama ba loron bo’ot Natal, maibe paixo komesa lian arbiru ona iha teritoria Dili laran iha tempu kalan. Tamba ho paixon nebe lian fo ameasa bo’ot ba ema sira nia saude nomos ba ema sira nebe moras no ho lian bele fo tauk mos ema sira nebe toba iha tempu kalan.

Entertantu hatan ba preokupasaun komuniade ne’e, Komandante Geral PNTL Komisariu Longuinhos Monteiro espelika, Problema nebe maka komunidade sira hasoru hanesan Paixon lian iha tempu kalan, importante komunidade sira tenki iha komprensaun ba malu. Informasaun kompletu iha STL Jornal no STL Web, edisaun Sesta (29/11/2013). Jesuina da Costa

LEAVE A REPLY

Please enter your comment!
Please enter your name here