Prevene Korrupsaun Tenke Hahu Eduka Husi Uma Laran

DILI-Korupsaun hanesan moras at, nebe bele halo povu sai kiak no estadu sai fraku. Sewainhira ukun nain sira halo korupsaun bele lori impaktu negativu oi-oin ba povu kiik sira. Atu prevene korupsaun, tenke hahu educa oan sira iha uma laran molok atu sai mai iha liur.

Me. Guilhermina Marsal liu husi nia diskursu hatete, prevene korupsaun tenke hahu educa kedas iha uma laran molok atu sai mai iha liur, atu nune’e labele fo impaktu ba liur no mous korrupsaun makas.

Porjemplo hanesan inan aman sira fo osan 10 centavos ba oan sira hodi lori ba eskola, bainhira fila husi eskola mai tenke husu tuir ba sira katak osan 10 centavos nee gasta ba saida deit. Hodi nunee para bele hatene tuir katak osan 10 centavos nee fo ba nia hodi gasta ba buat ida. Nudar inan aman labele nonok deit, bainhira fo osan ba oan sira. Atu nunee bainhira sira sai mai liur, sira mos hatene tuir ona saida mak sira atu halo ba nasaun, dehan Me. Guilhermina iha selebrasaun loron mundial korupsaun iha CCD, Segunda (09/12).

Liafuan hanesan mai husi Vice Primeiru Ministru Fernando La Sama de Araujo katak, liafuan Madre nian nee furak duni atu ema hotu bele halo tuir. Tanba hahu husi buat kiik sira nee mak sai ba bot. Nebe hahu kedas educa husi kiik ba bot sira, para evita buat ida korupsaun nee iha nasaun nia laran. Informasaun kompletu iha STL Jornal no STL Web, edisaun Tersa (10/12/2013). Domingas Gomes

 

2 COMMENTS

  1. Buat ida korupsaun ne’e buat at ida sebele karik prevene lalais atu nune labele fo todan ba ita nia oan e beioan sira iha futuru. Agora dadauk ita sente ona iha ema balun e lubuk ida mak halo dadauk korupsaun ona maske ita lahatene maibe ita sente ona ………………..

  2. Korupsaun iha signifikante luan tebes, kuandu ita liga ba iha ita nian moris lor-loron nian, bele hanesan hahalok/mentalidade ida nebe ladiak, no persija ita halo asaun kontinua atu halo prevensaun, antisipasaun no foti lei ida nebe forte hasoru autor koruptor sira, tamba se ita hakarak moris hanesan nasaun Singapura sira aplika lei forte tebesa hanesan hukman mati ba koruptores sira….nunee ema laiha brani atu halo korupsaun/ha-mo´ut osan estadu/povo ho montante boot……

LEAVE A REPLY

Please enter your comment!
Please enter your name here