Problema Kontinua Mosu, PN Husu Governu Hapara Importasaun Tua

DILI–Relasiona ho problema ne’ebe mak kontinua mosu iha rai laran liu-liu iha loron bo‘ot Santo natal no Tinan Foun, membru parlamentu husu ba governu ne’ebe mak lidera hosi Permeiru Ministru, Xanana Gusmao, atu hapara importasaun tua hosi rai liur mai Timor Leste tanba maioria problema mosu tanba tua.

Tuir membru Komisaun B Parlamentu Nasional (PN) ne’ebe trata asuntu seguransa, Jasinto Viegas Visente, liu hosi Plenaria iha PN Segunda (06/01), hatete governu susesu ona taka artemarsiais tanba ne’e governu mos tenke buka dalan hodi hapara importasaun tua tanba liu hosi tua mak hamosu problema.

Kintu governu konstitusional susesu ona taka artemairsiais tanba gosta halo problema no agora laiha ona iha loron bot nia laran ne’e iha Maliana iha grupu rua mak asalta malu mais laos artemarsiais maibe tanba hemu tua no lanu ne’ebe husu ba governu se bele karik buka tok dalan oinsa atu hamenus problema iharai laran liu hosi hapara importasaun tua mai ita nia rain tanba liu hosi tua ne’e mak problema kontinua mosu, hatete deputadu Jasinto.

Nune’e mos ho deputadu, Fransisco Branco, husu ba estadu atu regula tua ne’ebe mak sirkula iha rai laran, atu nune’e se mak bele fa’an no se mak bele sosa tua hodi consume iha tempu ruma. Informasaun kompletu iha STL Jornal no STL Web, edisaun Tersa (7/1/2014). Thomas Sanches

LEAVE A REPLY

Please enter your comment!
Please enter your name here