Rekursu Gil Alves, TR Mantein Desizaun TDD

DILI-Instansia Tribunal Rekursu (TR) iha loron 16 Setembru 2013 foin lalais nee, hatun ona desizaun ba prosesu rekursu Gil Alves hodi mantein desizaun primeira instansia husi Tribunal Distrital Dili, nebe absolve total Gil ho Hendrique husi krime burla agravadu, pekulato agravadu no abuzu konfiansa.

Rekursu ho numeru prosesu 36/CO/2013/TR nee hatama husi Ministeriu Publiku (MP) hodi kontra desizaun primeira instansia husi Tribunal, ne’ebe absolve total eis Ministru Turismu, Comerçio no Industria (MTCI) Gil da Costa Alves ho Hendrique Carlos ne’ebe hanesan finansas iha partidu ASDT versaun Gil Alves hetan akuzaun husi MP, katak foti osan no halakon osan partidu ASDT versaun João Correia ne’ebe hetan rekunhesementu legal husi Tribunal Rekursu.

Aktu Gil Alves ho Hendrique Carlos ne’e MP akuza sira komete krime burla agravado, pekulato agravado no abuzu konfiansa. Maibe, iha desizaun ikus liu husi leitura akordaun ne’ebe lei sai husi Juis Jose Maria de Araujo, absolve Gil Alves ho Hendrique Carlos husi krime hotu, tanba konsidera iha loron 28 Maiu 2012, Tribunal Rekursu fo sai desizaun katak ASDT versaun João Correia nian mak legal ka manan.

Gil Alves ho Hendrique Carlos iha direitu, tanba desizaun transitu em julgadu husi Tribunal Rekursu foin sai iha loron 4 Junhu 2012, ne’ebe mantein nafatin ho desizaun antes nian katak ASDT versaun João Correia mak legal i ASDT versaun Gil Alves ilegal ka lakon. Informasaun kompletu iha STL Jornal no STL Web, edisaun Kuarta (18/12/2013). Domingas Gomes

LEAVE A REPLY

Please enter your comment!
Please enter your name here