Remodelasaun Ba V Governu, CNRT–PD Konsidera Kompetensia PM Xanana

DILI-Relasiona ho deklarasaun nebe’e mak fo sai husi Prezidente Partidu FRETILIN Francisco  Guterres Lu-Olo katak, remodelasaun dalan uniku atu resolve poblema iha Kintu governu Konstitusional, bankada CNRT no PD iha uma fukun Parlamentu Nasional (PN) konsidera, ne’e kompetensia tomak Primeiru Ministru Kay Rala Xanana Gusmão.

Kestaun ne’e hato’o husi Segundu vise Prezidenti PN Aderito Hugo katak regras forma governu mak ne’e, direitu tomak iha Primeiru Ministru hanesan Xefi Governu nia liman, tamba ne’e nia rasik intrega ba PM Xanana.

“Hau senti ne’e regras forma governu nian mak ida ne’e, se akontese duni, ne’e direitu tomak PM Xanana, hanesan ema hotu hatene katak, hahu kedas iha AMP nebe’e mak lidera husi PM Xanana lao ho mekanizmu ida hanesan ne’e, iha governasaun bloku nian mos hanesan lao ho konsiderasaun no kompetensia tomak iha PM Atu halo kualker mudansas,” dehan Segundu Vise Prezidente PN Aderito Hugo ba STL iha uma fukun PN Tersa (9/7).

Tuir Aderito katak, Ida ne’e hanesan buat ida integras normal, CNRT mak lidera governu koligasaun ho mandate tinan lima, CNRT ho ninia bloku mak difine metas atu difine tinan lima, tanba ne’e mak sei akontese modelu remodelasaun kuandu hare ba metas nebe’e difine iha  parte bloku nian. Informasaun kompletu iha STL Jornal no STL Web, edisaun Kuarta (10/7). Jasinta Sequeira/Madalena Horta 

2 COMMENTS

  1. Remodelasaun, atu hadia sistema governo… nuneé povo sira bele fo konfiansa diak ba ita nia Nai Ulun sira, neébe bele lori nasaun sai forti, la signifika atu hatun malu iha remodelasaun…maibe atu hadia malu….se ita la hadia, se tan mak atu hadia,…..se ita lafiar malu, se tan mak atu fiar ita….mai ita tau hanoin ida deit hanesan,……..HODI PADRE..HODI FILHO HODI ESPERITO SANTO SIRA NIA NARAN…..AMEN.

Leave a Reply to TL HAU NIA DOBEN Cancel reply

Please enter your comment!
Please enter your name here