Salus Hetan Ameasa, Ikus Mai Hatan iha Tribunal

DILI- Tribunal Distrital Dili (TDD), Kuarta (05/12) halo julgamentu ba kazu krime ofensas integridade simples. Iha kazu ne’e Ministeriu Publiku akuza Salustiano dos Santos nudar arguidu no Herman nudar lejadu.

Iha audensia Tribunal liu husi juis singular Dr. Julio Gantes le’e sai akuzasaun katak, iha loron 31 Januari 2011, tuku 11:00 dader otl, arguidu ho nia kolega Atinu ba iha armagen super xerox Audian, hodi buka tuir Justino nebe halo ameasa ba arguidu.

To’o iha neba sira hasoru lejado nia inan, no hamosu divertimentu entre sira ho lejado nia inan. Nunee lejado Herman mos hasoru sira, no arguidu mos tuku isin ida iha nia matan sorin kanek. Husi tuku nee rejulta lejadu nia matan kanek no halo kedas tratamentu iha HNGV. Momentu nee arguidu ho nia kolega ba ho farda PNTL. Tanba nee Ministeriu Publiku akuza arguido halo krime ofensas integridade simplest.

Iha julgamentu arguido Salustiano deklara ba tribunal katak, akuzasaun nee los hotu. No nia baku lejadu tanba hakarak defende an husi lejadu nia reaksaun nebe baku uluk nia. Tanba momentu ne’e nia ho nia kolega atu ba husu tuir ema ida naran Justinu, nia mak hanesan bodyguard lejadu nia inan nian.

“ hau ho hau nia kolega nee ba iha armagen nee hodi husu tuir deit ema ida naran Justin nee. Atu ba husu tuir ba Justino tanba sa mak nia ameasa hau. To iha neba ami husu Justino ba nia, lejado nia inan la simu ho diak maibe nia dehan fali keta hanoin imi mai tau farda nee haut auk imi. No derpenti nia oan mane mosu mai atu baku liu hau, ho ida neemak hau ses an hau nia liman baku duni nia kona iha nia matan sorin” haktuir Salustiano.

Iha fatin hanesan testamunha Altino Rafael dos Santos hatete, nia ho kolega nee atu ba husu tuir Justino tanba sa mak nia halo ameasa. Maibe ibu loja nain nemak la fo tempu atu koalia.  Infomasaun kompletu iha STL jornal no STL Web, edisaun Kinta (6/2/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: