Salva Oan Feto, Inan Simu Bankada

DILI-Lezada Saturnina de Araujo la espera tenke simu basa dala rua iha nia hasan husi arguidu Tomas Maya. Wainhira tenta atu salva nia oan feto, tanba halakon telefone arguidu nian ba dala hat.

Liu husi audensia julgamentu nebe dirige husi Juis Antonio Helder le’e sai akuzasaun Ministeru Publiku katak, iha loron 19 Outubru 2012, tuku 2 lokraik otl, arguidu lori aisanak baku nia oan feto neebe halakon arguidu hanesan aman nia telefone ba dala 4.

Hare ba nia oan feto hetan baku ho aisanak husi arguidu, lezada tenta atu salva nia oan, atu nune labele hetan tan baku husi arguido. Maibe reazen lezada nian hetan hirus husi arguido, no iha momentu neba arguido basa dala rua iha lezada nia hasan.

Liu husi julgamentu arguidu rasik rekonese katak, iha akuzasaun Ministeru Publiku ba atitudi arguido los hotu, no arguido arepende ho atitudi nebe akontese ona. No nia promete sei la halo tan hahalok at nee hasoru lezada hanesan nia fen ho nia oan feto.

Nune mos lezada Saturnina de Araujo deklara katak, iha momentu neba nia hetan basa dala rua husi arguido nebe hanesan nia kaben. Maibe depois problema nee sira nain rua rezolve kedas no kontinua moris hamutuk hanesan fen ho laen. Informasaun kompletu iha STL Jornal no STL Web, edisaun Kuarta (11/12/2013). Domingas Gomes

LEAVE A REPLY

Please enter your comment!
Please enter your name here