Se Deit Mak Kontinua Involve Iha Arte Marsiais, PN Husu PNTL Iha Direitu Halo Kapturasaun

DILI- Reprejentante povu iha uma fukun Parlamentu Nasional (PN) husu ba Polisia Nasional Timor Leste (PNTL) atu halo kapturasaun ba jovem sira nebe kontinua mete iha grupu artemarsiais.

Kestaun ne’e hato’o husi membru komisaun B nebe trata ba asuntu Negosiu Estranjeiru, Defeza no Seguransa, deputadu Jacinto Viegas Vicente ba STL iha uma fukun PN, Kuarta (24/7) katak kapturasaun nebe Polisia sira halao ba grupu artemarsias tuir lei, tamba governu hasai ona desizaun katak taka artemarsiais.

Hau senti kapturasaun nebe’e mak Polisia sira halo ne’e tuir orden, tanba governu hasai tia ona desizaun atu taka arte marsiais oin tolu ne’e, nebe’e se karik sira halo buat ruma kontra rezulusaun governu nian ne’e, Polisia iha direitu atu kaer iha nebe’e deit no se-se deit Polisia iha direitu atu kaer, tanba sira kumpri ona lei no ordem, hateten Deputadu Jacinto.

Deputada bankada FRETILIN Ana Ribeiro hateten, grupu arte marsiais ne’e governu hasai ona desizaun, nebe’e se mak hakarak atu halao nafatin aktividades arte marsiais, husu nafatin PNTL sira para atu kontrolu maximu, se mak kontinua halo PNTL sira iha kondisoins para atu hare ida ne’e. Informasaun kompletu iha STL Jornal no STL Web, edisaun Kinta (25/7). Jacinta Sequeira

2 COMMENTS

  1. Husu ba Governo atu controla artemarciais, sebele controla mos ho membru policia ho FFDTL tamba dala barak mos membru hirak ne’e involve mos iha actividades hirak ne’e. hakarak ga lae kohi tenke fo medidas

  2. Hau nia hanoin diak liu tenki halo ona juramentu massal ida hanesan ita halo iha krize ne’e iha Palacio do Guverno nia oin, arte marsiais mos hanesan haruka sira jura iha Palacio Guverno nia oin, no sunu tiha sira nia atributu hirak ne’e identinfika nebe maka sai lider alende ida ne karik iha membru guverno ka PNTL ka FFDTL nebe hola parte iha laran ne haruka sira mak iha oin atu nunee para sira seluk mos bele halo tuir. VIVA TIMOR LESTE

LEAVE A REPLY

Please enter your comment!
Please enter your name here