SED-FDTL Australia Asina Akordu Bilateral

Dili-Adjunto komadante Jeral F-FDTL Filomeno Paixao, hamutuk ho Diretor Jeral SED Joao Corterreal, halao’o enkontru hamutuk ho forsa Australia, hodi koalia konaba koperasaun entre forsa Australia no F-FDTL.

Iha enkontru nebe halao iha Kuartel Jeral F-FDTL Fatuhada, Kuarta (4/9), koalia liu kona ba koperasaun entre Governu Australia no Governu Timor Leste, liu-liu iha koperasaun entre forsa hosi nasaun rua ne’e, atu oinsa maka bele kria koperasaun diak liu tan iha area treinamentu ne’ebe durante ne’e Forsa australia sira fo ona ba F-FDTL.

Hafoin remata enkontru, Diretor Jeral SED Joao Corterreal ba jornalista hateten, enkontru nee hanesan enkontru ne’ebe kada tinan sempre halo ho Governu Australia, hodi kria diak liu tan koperasaun militar iha tinan 2014.

Tanba tinan barak koperasaun nee lao ho diak tebes, tanba nee liu hosi enkontru ida nee ami mos sei aprejenta proposta kona ba planu ami nia ba iha treinamentu ita forsa sira ninian, hanesan buat nebe’e maka Australia hakarak ajuda ita no buat saida maka Australia labele ajuda, dehan Joao.

Entretantu tuir Adjunto Komandante Jeral F-FDTL Brigadeiru Jenderal Filomeno de Jesus Paixao hateten, enkontru nee koalia liu kona ba teknika militar ninian, hanesan iha formasaun nebe’e maka durante nee instutusaun F-FDTL hetan apoio hosi forsa Australia sira. Informasaun kompletu iha STL Jornal no STL Web, edisaun Kinta (5/9). Sonia Ferreira

LEAVE A REPLY

Please enter your comment!
Please enter your name here