Sergio Kandidatu Forte Komisario KAK, Labele Defende Tan Arguido Sira

DILI-Direitor Defensor Publiku Sergio Hornai, sai ona kandidatu forte atu troka komisario Komisaun Anti Korupsaun (KAK) Aderito de Jesus. Tanba oras ne’e dadaun Parlamentu Nasional simu ona lista naran kandidatu, husi Konselhu Ministru uniku naran Sergio nian deit.

Provedor Direitu Humanu e Justisa (PDHJ) Sebastiao Dias Ximenes hatete, bainhira Sergio Hornai sai ona Komisario KAK, konserteza nia labele kaer tan kazu ruma atu defende ema iha kazu ruma nebe hetan akuzasaun husi Ministeriu Publiku (MP).

Hanesan komisario tenki servisu tuir regras no prinsipiu KAK nian. Se Aderito la kontinua ona kandidatu uniku maka Sergio ne’e kompetensia governu no PN. Lei KAK nia mos hatete katak, kandidatu nebe atu sai komisario KAK nee tenki backgraund jurista. Hanesan prokurador, Defensor Publiku, Juis ho jurista nebe iha esperensia. Kona ba nia servisu nebe uluk hanesan defensor nebe sempre defeza ema ka arguido sira husi kazu korupsaun balun nebe kak investiga, dehan Sebastiao ba jornalista sira, iha nia servisu fatin, Caicoli. Kuarta (26/2).

Tuir Sebastiao, Sergio hanesan kandidatu nebe prienxe hotu ona kriteria ka lei KAK nian nebe iha. Maibe atu hili ka la hili nee kompotensia PN. Maibe tenki servisu bazeia ba prinsipio legais.

Iha parte seluk Direitur JSMP Luis de Oliveira Sampaio hatete, desizaun governu nomeia defensor Sergio Hornai ba kandidatu uniku, KAK hanesan desizaun politiku hodi fo konfiansa ba defensor Hornai. Informasaun kompletu iha STL Jornal no STL Web, edisaun Kinta (27/2/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Seminarista Balide Agradese Xanana & Timor Oan iha Estranjeiru

DILI, STLNEWS.co - Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana...

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....
%d bloggers like this: