Sibuk Ho FB, Domin Ana ba Gil Mihis

DILI-Tanba deit sibuk ho online Facebook (FB) hodi lakohi hola modo meudia, hamosu violensia. No ikus mai domin Ana Rozaria Soares ba Gil Paula da Silva mihis ona.

Liu husi audensia julgamentu Tersa (29/04) iha Tribunal Distrital Dili, juiz fo sai akuzasaun husi Ministeriu Publiku katak iha loron 14 Dezembru 2013 oras han meudia, lezada Ana hameno modo meudia nian maibe lezada hein la mosu. Nunee nia kontinua loke FB hare arguidu Online entaun nia kontinua husu tan dala ida maibe hetan resposta husi arguidu katak osan laiha. Lakleur arguidu fila ba uma lezada nervozu hatete ba arguidu katak ema nia laen seluk kuandu ba servisu too dolar fila ba uma lori dolar.

Maibe nia laen ba servisu hodi buka kontenti ho chat facebook. Ho ida nee komesa hamosu des-intendementu entre sira nain rua ho diskusaun makas. No arguidu sai ba liur mak koalia makas halo lezada nervozu ba rasta arguidu tama uma laran mak resulta arguidu nia faru nakles.

Tan nee arguidu basa lezada, buti iha kakorok, dudu monu ba rai hodi sama iha lezada nia kabun no kotuk laran, ho hahalok nee Ministeriu Publiku akuza arguidu ho krime violensia domestika tuir artigu 145 kodigu penal.

Arguidu Gil deklara ba tribunal katak akuzasaun husi Ministeriu Publiku balun los no balun lalos. Los mak nia basa dala ida iha lezada nia hasan maibe tuku sama ba rai nee lalos. Arguidu rekonese nia hahalok nee laos planeadu maibe akontese espontanista. Tanba nia trauma hela ho situasaun neebé nia aman foin mate liu fulan rua. Informasaun kompletu iha STL Jornal no STL Web, edisaun Kuarta (30/4/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: