Suspeitu M Oho An Iha Prizaun Becora

DILI–Kinta (10/10) dader, arguidu M nebe deskonfia oho matebian Cris Maucuru iha Metiaut loron hirak liu ba, hakotu nia vida ho kalsa olaraga talin nebe nia uza iha sela prizaun preventiva Becora.

Aje Silva hanesan eis prizioneriu hateten, Nia tama prizaun iha loron Sesta semana kotuk hamutuk ho matebian M iha prizaun Distrital Dili, sira iha sela ida deit. Tuir nia, matebian M konta ba sira katak nia hili dalan atu oho an duni, tanba nia dehan mate diak liu duke moris.

Hau ho hau nia kolega lubuk ida mak tama iha prizaun hamutuk ho nia. Ami tama prizaun tanba sim laiha. Durante iha prizaun, nia konta mai ami tanba sa mak nia oho nia kolega diak nee. Nia halo asaun nee, tanba deit dehan nia kolega nee selingkuh fali ho nia inan. Tanba ida nemak nudar oan, nia senti moe hodi hili dalan oho tiha nia kolega diak nee. Maske sira nain rua ransu kleur, maibe tanba deit moe hanesan oan mane mak nia hili dalan oho tiha nia kolega nee, dehan nia ba STL wainhira mai selu multa sim iha TDD.

Iha parte seluk official Polisia nebe la temi naran wainhira akompania lori arguidu mai iha TDD atu halo prosesu julgamentu hatete, arguido nee tenta atu oho an dala barak iha prizaun distrital Dili nian. Nia konsege tara an duni, maibe parte seguransa konsege hetan hodi salva nia. Informasaun kompletu iha STL Jornal no STL Web, edisaun Sesta (11/10). Domingas Gomes

LEAVE A REPLY

Please enter your comment!
Please enter your name here