Tama ASEAN, TL La Presiza Vistu Ba Nasaun Membru Seluk

DILI – Kuandu Timor-Leste sai membru ASEAN iha tempu badak, Timor-oan nebe mak hakarak vizita nasaun membru ASEAN, sei la presiza vistu tamba hanesan maun alin,  nunee governu Timor-Leste presiza halo konsensializasaun ba povu Timor  laran tomak.
Prezidente Komisaun B Parlamentu Nasional, Maria Lourdes Bessa, hateten, Timor-Leste atu tama ASEAN nee kestaun konsensual, laiha diferensia hanoin, Timor-oan hotu konkorda atu Timor-Leste sai membru ASEAN iha tempu badak.

“Durante nee laiha ema ida mak impede itaatu sai membru ASEAN, maibe prosesu mak lao nunee, atu ita i preparadu kuandu sai membru ASEAN, tamba sei iha kompetisaun nebe mak makaas ho nasaun membru ASEAN sira seluk,” dehan Bessa ba STL, Tersa (07/05/2013) iha Parlamentu Nasional.
Nia hatutan, pedidu formal atu tama ASEAN, Timor-Leste halo tiha ona. Governu no entidades hotu-hotu tenki fahe informasaun klean ba sosiedade tomak ba ASEAN, tamba sai membru ASEAN sei lori aplikasaun barak mai iha nasaun Timor-Leste.

Tuir Vise Prezidente Parlamentu Nasional, Adriano Nascimento, molok sai membru ASEAN, governu Timor-Leste halo sosialiazasaun ba llider komunitariu hodi halo konsensializasaun povu Timor-Leste, hodi halo preparasaun mentalidade komunidade sira nian.
“Sosializasaun nebe mak governu halo diak, laos sosializasaun maibe preparasaun no konsensializasaun hodi kumpriende ASEAN ninian, tamba ita sai membru ASEAN sei iha kompetisaun boot,” dehan  Adriano.
Nia hanoin, Timor-Leste kuandu sai membru ASEAN, sei iha kompetisaun boot tamba kriteria Timor-Leste mak hanesan nasaun nebe mak sai membru sei laiha fronteira, atu nasaun nebe sei la uza vistu tamba maun alin.

“Hau hanoin kuandu governu iha inisitavia hodi halo konsensializasaun buat diak ida hodi prepara mentalidade povu Timor-Leste atu kompete ho nasaun sira seluk, tamba ita sai mambru ita tenki prontu atu kompete ho nasaun sira seluk,” esplika Adriano.
Iha sorin seluk, Sekretariu Estadu Asuntu ASEAN, Roberto Sarmento Soares, informa, governu sei halo vizita ba iha distritu hodi fahe informasaun ba autoridade lokal atu hatene ASEAN. Nunee kuandu Timor-Leste sai membru ASEAN, Timor oan bele hatene ona vantazen no desvantazen nudar membru ASEAN.
“Ita prontu atu kontribui buat nebe mak ita iha liu husi kooperasaun ASEAN nian, ita sai membru ASEAN ita sei kontribui ativamente no pozitivu tamba Timor-Leste sei la sai todan ba membru ASEAN sira seluk,” afirma Roberto.
Nia hatutan, nasaun membru ASEAN ninian hotu-hotu senti importante atu reforsa liu tan Timor-Leste  nia preparasaun iha area rekursus umanus, inklui mos seitor sira seluk nebe mak presiza atu prepara diak liu, atu nunee TL preparadu wainhira sai membru ASEAN. lay

7 COMMENTS

  1. hare took aban bainrua ita tama ASEAN mas relaidade joven timor ne desempregu barak demais, satan kuando aban bainrua tama ASEAn nebe nasaun seluk sei suli mai hanesan be, tamba automaticamente ita la bele ba sira nian rain buka servisu tamba ita experience liha, jadi hal empregu ne vantagen boot ba nasaun seluk

  2. ne mak timor oan persija hasae kapasidade rekursu umanu para bele kompete iha asean. Labele “jago kandang” deit

  3. Bainhira atu tama Asean persija hadia’k kharakter at nebe mak iha ita nia rai laran, liu liu iha Nain ulun sira nebe mak bulante ba nasaun no povu ida ne, hahalok sira ne mak hanesan (Maladministrasaun, Korupsaun, Nepotisme, Nonprofisionalismu,) buat sira ne hotu demi dignidade Timor ninian, tmb realidade iha area desportiva ninian, Komisaun sira ho secretariado rasik falsifika dokumentos identidade sidadaun nian hodi hatun tinan (Jogadores sira) hodi halakon ita nia profisionalidade hansn justu iha rai laran no hatudu ba mundo internasional, no hatudu dignidade at ba mundo.

  4. hau bele husu kolega sira nia hanoin kona ba impaktu posetivu no impaktu negativu husi nebe TL ou CPLP karik laiha vistu wainhira halo ovimentu ba nasaun CPLP ho Asean.? favor kolega balun bele ajuda:

  5. uma laran deit sei sabraut hela alias loke taka kuak hakarak halo buat oin-oin.
    nusa la hadia uluk povo nia moris ba sibuk fali ASEAN????????????
    halo kolen an deit…
    tinan ba tinan mak rona Liafuan ADESAUN TIMOR LESTE BA IHA ASEAN mais nunka mais adere.

    • Lolos governo sosializa ninia vantajen uluk lai. Mas ida ne sira nonok deit. La tama asean karik rai atu naben k. Povu uma laiha hakarak ansi tama asean.

  6. Hau nia hanoin buat hotu diak atu tama ASEAN. Maibe itu hadia uluk ita nia uma laran lai. Tamba ita seidauk tama ASEAN mos cina iha nee barak ona. Diak liu lao neneik maibe ita nia povu moris diak.ita ansi maibe ita ni povu moris aat ida nee Desafiu boot.

LEAVE A REPLY

Please enter your comment!
Please enter your name here