Tan Hare Mane Seluk Tama Kios, Chun Yan Liu Baku Marta

DILI-Arguidu Chun Yan Liu tenke baku lejada Marta da Costa nia ulun no tata nia liman, tanba deit hare mane seluk tama iha sira nia kios laran. Ho asaun ida ne’e arguidu tenke mai hatan iha tribunal kona ba krime nebe nia halo ba lejada.

Iha audensia julgamentu tribunal liu husi juis singular Antonio Helder le’e sai akuzasaun katak iha loron 25 Maio 2013 tuku 9:30 otl, iha uma Lahane Oriental lejada Maria sei koalia hela ho nia bin Bendita nebe foin mai husi Kupang.

Momentu nee arguidu fila husi Same tama ba uma, la koalia liafuan ruma nia baku kedas lejada nia ulun dala ida. No iha loron tuir mai, arguidu fila husi polisia dehan ba lejada atu selu kios. Nunee nia bolu lejada tama ba uma laran hodi tata nia liman. Ho ida nee halo lejada kanek iha ulun no ibun.

Iha julgamentu lejada hatete, momentu nee arguidu servisu hela iha Betano. Arguido telfone mai nia, maibe la fo hatene katak nia atu fila mai. Momentu nemos nia bin mai husi Kupang. Arguidu to’o iha uma ho hirus deit mak baku lejada nia hasan dala rua ho nia liman. Nunee lejada nia alin mak ba bolu polisia hodi kaer nia. Depois iha loron 26, arguidu fila husi polisia nia mai tata fali iha lejada nia liman kabas. Depois problema liu tiha, semana ida mak foin diak malu no moris hanesan fen ho laen.

Iha fatin hanesan arguido Chun Yan Liu hatete, akuzasaun sira nee lalos hotu no falsu. Nia baku lejada tanba nia hare mane nain tolu tama iha kios laran mak nia baku nia kaben. Informasaun kompletu iha STL jornal no STL Web, edisaun Sesta (28/2/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: