Timor Oan Naok Labarik Iha Bali, MNEK Husu Atu Investiga, Seidadaun Timor Ka Lae

DILI—Diskunfia Timor oan nain rua (fen ho laen), ne’ebe naok labarik oan ida ema husi Fransa iha Bali, oras ne’e dadauk iha ona Polisia indonezia nia liman.

Tuir, Ministru Negosiu Estranjeiru no Koperasaun, Jose Luis Guterres ba STL, iha ninia Servisu fatin, pantai Kelapa Dili, Tersa (18/6), katak, nia mos simu tina ona notifikasaun husi Polisia Indonezia  kona seidadaun timor oan nain rua ne’ebe naok labarik iha Bali.

“Ami agora sei  buka hatene, ema ne’e timor oan ka lae, razaun saida maka akontese hodi hetan akuzasaun ida ne’e. Ne’eduni antes atu inkontru ho ema ida ne’e ita tenke hatene uluk razaun saida, kona ba informasaun liu tan ami sedauk bele fo, bainhira sedauk iha informasaun klaru husi konsul jeral TL nia iha Bali,” hatete Jose Luis Guterres.

Nia informa tan katak, iha ikontru oin mai husi TL sei kolia tan kona ba ida ne’e,  sobre ema ne’e seidadaun timor oan ka lae, krimi ne’ebe ema hateten katak sira halo, maibe tuir prosesu hanesan pais ka instituisaun hanesan reprezentasaun estadu iha rai liur presiza halo buat hotu atu proteze sedadaun nian. informasaun kompletu iha STL Jornal no STL Web, edisaun Kuarta (19/6). Oscar Salsinha/Carlito Soares

LEAVE A REPLY

Please enter your comment!
Please enter your name here