Toman Celestino Ho Feto Seluk, Coaresma Haten Tuku

DILI– Tribunal Ditrital Dili halao julgamentu ba kazu violensia Domestika nebe Ministeriu Publiku notifika Celestino de Jesus hanesan Arguidu, tamba tuku Coaresma Gonsalves iha ninia kotuk, ta’a nomos tebe tamba toman Arguidu ne’e ho feto seluk iha loron 21 Juniu 2013 kalan.

Bazea ba akuzasaun husi Ministeriu Publiku nebe fo sai husi audensia julgamentu, Tribunal Distrital Dili katak iha loron 21 Juniu 2013 kalan, kuaze tuku 10:00 kalan, iha Suku Maubara Lisa, Sub-Distritu Maubara, Distritu Liquisa, lezada hare SMS husi vijinu ida ba arguidu nia telemovel.

Iha akuzasaun ne’e hatete mos katak iha loron 23 Juniu 2013 kuaze tuku 07:00 kalan lezada Coaresma  hare arguidu Celestino iha Terezinha nia uma, Tan ne’e Lezada hakat ba atu husu klarifikasaun rajaun arguidu ba Terezinha nia uma. Maibe lezada foin to’o simu kedas liafuan Aat husi arguidu

Durante iha Audensia julgamentu arguidu desidi lakohi koalia kona akuzasaun nebe mai husi Ministeriu Publiku nebe akuza hasoru Arguidu  Nune’e tribunal desidi adia julgamentu nee;e ba loron 22 Setembru 2013 hodi rona deklarasaun husi sasin ba prosesu

Audensia Julgamentu ne’e preside husi juiz singular Jose Maria de Araujo, no arguidu hetan defeza husi defensor estagiariu Jonas, Kazu ne’e registu iha tribunal distrital dili ho numeru prosesu 177/2013/TDDIL. Informasaun kompletu iha STL Jornal no STL Web, edisaun aban, Sabado (31/8). Timotio Gusmão

LEAVE A REPLY

Please enter your comment!
Please enter your name here