Uma MDG’s Laiha Kualidade, Kompania BTK No Coment

DILI–Prezidente Komisaun E Parlamentu Nasional (PN) ne’ebe trata asuntu Infra-Estrutura, Transporte e Komunikasaun, Pedro dos Martires da Costa, hateten uma MDG’s  ne’ebe mak Kompania BTK halo, fo komonidade kbit laek sira atu hela realidade laiha kualidade ne’ebe diak, tanba tuir sira nia monitorizasaun ba uma ne’e iha balu mak komesa at dadaun ona.

Prezidente Komisaun E PN, Pedro kasu lia hirak ne’e ba jornalista STL, iha uma fukun Parlamentu Nasional Sesta (16/08). Tuir nia katak iha fiskalizasaun komisaun E ba uma MDG’s ha Timor laran, barak mak laiha kualidade.

Ami verifika populasaun sira simu ona save uma nian, maibe laiha vontade atu ba hela iha uma MDG’s ne’e no uma ne’e mos hatur deit iha rai leten, tanba ne’e wainhira anin bo’ot bele sobu no iha fatin balu uma ne’e foin halo maibe komesa at dadaun ona, hanesan uma nakfera odamatan save nian, mos at ona ne’e signifika katak ita atu fo osan ba ema ne’ebe mak kaer obra ne’e, tanba kualidade ne’e laiha duni, ne’e laos kolia arbiru maibe faktus iha duni katak uma ne’e laiha kualidade, hatete Pedro.

Pedro hatutan wainhira komisaun E ba halo estudu komparativu iha Cabo Verde, uma ne’ebe mak estadu Cabo Verde halo ba nia komonidade sira iha kualudade kompletu ho fasilidade ne’ebe ke diak tebes, maske gasta osamentu ki’ik, maibe iha Timor kada uma gasta osamentu 12 mil laiha kualidade.

Iha fatin ketak wainhira jornalista STL husu ba director kompania BTK iha ninia servisu fatin, Lapangan Pramuka, director ne’e la kohi fo ninia komentariu barak, maibe nia so hatete realidade iha uma ida rua mak at duni, maibe sira kontinua buka dalan atu hadia. Informasaun kompletu iha STL Jornal no STL Web, edisaun Sabado (17/8). Tomas Sanches

LEAVE A REPLY

Please enter your comment!
Please enter your name here