Uza Kareta PN Ba Kampania, Eis Deputadu PD Hatan iha TDD

DILI-Eis deputada Partidu Democratiku (PD) Getrudis Moniz, Segunda (14/7) tenki ba hatan iha Tribunal Distrital Dili (TDD). Tanba diskunfia uza kareta Parlamentu Nasional (PN) ba aktividade kampania eleitoral.

Tuir akuzasaun husi Ministeriu Publiku (MP) neebe lee sai huis juis singular Antoninho Gonçalves katak, arguida hanesan deputada iha Julhu 2012 uza kareta PN ho numeru matrikula 88-34 ba tuir kampania eleitoral. Arguida hatene kareta nee estadu nian fo atu uza ba servisu laos ba interese privadu. I tuir rezime PN mos bandu deputadu sira uza kareta nee ba privadu. Ho arguida nia hahalok nee MP akuza arguida ho krime pekulatu de uzu tuir artigu 226 kodigu penal TL.

Hafoin rona tiha akuzasaun arguida hili dalan nonok no lakohi fo deklarasaun ba tribunal. Nunee tribunal rona kedas testamunha Faustino Cardoso eis presidenti Comição Nasional Eleçeos (CNE) hatete, CNE nia kompotensia atu halo supervizaun ba akto eleitoral hotu inkuli kampania eleitoral, no prinsipiu neebe konstituisaun hatur ona.

CNE mos iha estrutura estabelesidu iha distritu hotu, iha mos pesoal neebe apoiu nesesidade media atu tau matan ba kampania hotu. Depois sira halo relatorio mai CNE nasional mak CNE nasional halo fali analiza ba relatorio husi distritu hotu nee. Depois CNE renunsia prosesu nee ba MP bazeia ba relatorio distritu nian.Kona ba involvementu arguida nian nee, testamunha la hatene, tanba liu ona tinan 2 nia haluha ona. Informasaun kompletu iha STL Jornal no STL Web, edisaun Tersa (15/07/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: