Xanana Haksolok ho Dili Marathon

Partisipante Defisente Dili Maratona foto hamutuk.

DILI—Eventu Dili Marathon, ne’ebe realize husi Ministeriu Turismu (MT) halao iha Sabadu (22/6), halo Primeiru Ministru (PM), Kay Rala Xanana Gusmao haksolok tebes hodi partisipa to remata.

Dili Marathon ne’e loke husi, Primeiru Ministru, Kay Rala Xanana Gusmao, no Partisipa iha eventu ida ne’e kuaze ema rihun resin, mai husi Atletismu Marathon feto ho Mane Internasional, Nasional no mos husi Distritu 13.

PM Xanana husu ba atletismu sira ne’ebe ne’ebe iha vontadi ba eventu Dili Marathon, atu kuntinua hakaas hodi hola parte iha eventu tuir mai, tanba iha tinan oin, Dili Marathon sei rame liu tan. Governu sei fo apoiu nafatin ba eventu Dili Marathon, no mos ba joven sira ne’ebe iha vontadi hakarak partisipa.

Prémiu ba vensedór ba dahuluk hetan osan Rihun 6, Dolar Amerikanu, Segundu Lugar hetan rihun 4 Dollar Amerikanu, no Terseiru Lugar hetan Rihun 2 Dollar Amerikanu. Manan nain ba iha Dili Marathon maka Juventina Napoleão no Augusto Ramos Soares, ne’ebé hala’o husi Ministériu Turizmu no sekretaria Estadu Juventude no Desportu Timor-Leste. Informasaun kompletu iha STL Jornal no STL web, edisaun Tersa (25/6). Oscar Salsinha

LEAVE A REPLY

Please enter your comment!
Please enter your name here