Xanana Vizita Nia Fatin Komarka Iha Akademia Komoro

DILI—Primeiru Ministru (PM), Kay Rala Xanana Gusmao ba dala uluk vizita nia komarka fatin iha Akademia PNTL, uluk Kapolda Komoro, ne’ebe uluk militar Indonezia kaer iha tinan 1991 hodi ba iha ne’eba.

Durante tinan 24 nia laran, foin primeiru vez nia halo vizita, PM Xanana nia fati komarka iha akademia ne’e, to’o oras Komando Jeral PNTL sei proteze hela, tanba fatin ida ne’e, fatin istoriku ba lider rezistensia, Kay Rala Xanana Gusmao ne’ebe atu lori prosesu TL ba ukun rasik an.

PM Xanana hela iha fatin komarka ne’e durante fulan ne’en (6) nia laran, nia hakerek karta barak liu husi amu lulik sira, atu hodi fo sai ba iha rai liur kona ba Timor Leste nia prosesu. Fatin ho ninia luan metru 3 kuadradu, ne’ebe kompletu ho haris fatin ne’ebe salva lider rezistensia to iha, tribunal depois ba liu iha komarka Cipinang-Indonesia.

“Iha ne’e maka fatin hau hela, atu hatan ba iha tribunal, iha ne’e maka hau hakerek hau nia paradoet, kalan hau joga ho sira, hau husu osan ba iha kapolda, hau dehan hanesan ne’e, seguransa sira ne’e hakarak joga karta, maibe hau osan laiha, nia osan mai kalan hau joga karta ho sira, hau husik sira manan tiha, hau dada fila fali to dader san, sira labele ona hau husik sira manan, depois sira ba toba hotu, hau hakerek hau nia pradoet,” hatete PM Xanana ba Jurnalista iha fatin ne’ebe nia kastigu ba, Segunda (15/7).

Xanana esplika tan katak, durante nia iha komarka iha Polda, nia konsumi hemu kafe maka barak liu. Polisia Indonezia barak maka mai halo kolega ho nia hodi konta estoria, no joga karta oinsa atu konverse ho nia, maibe Xanana iha komitmentu nafatin mate ka moris tenke ukun rasik an. Informasaun kompletu iha STL Jornal no STL Web, edisaun Tersa (16/7). Oscar Salsinha

LEAVE A REPLY

Please enter your comment!
Please enter your name here

NEWS UPDATE

FKHTL Entrega Uma Ba Oan Kiak

DILI, STLNEWS.co - Forum Karidade Humanitaria Timor Leste (FKHTL), entrega uma ba oan kiak Fernanda da Costa Ranguel no Tomazia da Costa Ranguel. Prezidente FKHTL,...

Horta Husu Joven Labele Soe Lixu Arbiru

DILI, STLNEWS.co - Premiadu Nobel da Paz, Jose Manuel Ramos Horta, husu joven sira keta soe lixu arbiru, wainhira halao serimonia ruma iha fatin...

FONGTIL Realiza Dialogu Garante Direitu Ba Rai No Propriedade

DILI, STLNEWS.co - FONGTIL realiza forum dialogu entre orgaun lejislativu, ezekutivu ho organizasaun sosiedade sivil, asuntu garante direitu ba rai no propriedade, hodi nunee...
%d bloggers like this: