2018-2020 TL Lakon Ikan 150 Toneladas

DILI, STLNEWS.co – Too agora Timor-Leste (TL) seidauk iha kapasidade atu kontrola atividade peskas ilegal iha rai laran, tanba nee hahu husi tinan 2018-2020, ikan neebe lakon kuaze 150 toneladas, kalkula ba osan karik hamutuk US$ 800 mil.

“Ita seidauk bele fo lisensa neebe barak ba ita nia peskador sira, ita fo lisensa oituan deit, bainhira ita kontrola peska ilegal ho diak mak ita foin hanoin atu fo lisensa barak ba peska industrial sira, tanba hahu husi tinan 2018-2020, ikan neebe lakon kuaze atus ida lima nulu (150) toneladas, kalkula ba osan karik hamutuk US$ 800 mil, tan nee ba oin tenki kontrola didiak,” kestaun nee fo sai husi Diretor Jeral Peskas, Acacio Pinto, ba jornalista sira iha Timor Plaza, Kinta nee (21/07/2022).

Nia afirma liu tan, tinan oin mai Governu Australia sei fasilita roo rua ba TL hodi kontrola peska ilegal iha rai laran, hafoin ida nee mak governu foin hanoin fali atu fo lisensa ba kaer ikan, tanba lisensa neebe governu atu fo nee ba uluk roo 30 – 50 hanesan nee.

Iha parte seluk, reprezentante povu iha uma fukun Parlamentu Nasional, Deputadu Domingos de Carvalho hatutan, peska ilegal sei kontinua buras, tanba TL seidauk iha rekursu neebe adekuadu atu kontrola riku soin iha area tasi.

Nunee mos Visi Prezidente Camara de Comercio e Industria de Timor Leste (CCI-TL), Joao Alves hatete, tanba rekursu iha rai laran seidauk adekuadu mak ohin loron ita lakon ona ikan barak, tanba nee politika governu nian tenki buka solusaun.

(mad)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...