DILI, STLNEWS.co – Projetu reabilitasaun estrada no kee bee dalan iha Tasi Tolu sei lori tempu, tanba kompanhia neebe kesi besi hodi harii bee dalan uza deit ekipamentus manual, tan nee sei lori tempu finaliza obra nee.
Rekonehsimentu nee hatoo husi Ministru Obras Publiku, Abel Pires ba STL iha Ministeriu Finansa, Sesta nee (05/08/2022).
“Projetu hadia estrada no kee bee dalan iha area Tasi Tolu nee sei lori tempu atu finaliza, tanba besi sira neebe harii hodi cor bee dalan nee, kompanhia sira uza deit manual kesi besi, tanba nee halo projetu nee lao tarde oituan,” dehan Ministru Obras Publiku, Abel Pires.
Nia afirma liu tan, iha fulan Outobru sei iha misa Kardial nian iha Tasi Tolu, tanba nee MOP husu ona ba Kompanhia neebe kaer obra nee, oinsa bele servisu ho lalais, bainhira fulan Outubru atu misa nee projetu refere bele kaber ona.
(mad)
