DILI, STLNEWS.co – Governu aloka osan ba reablitasauna kafe iha Munisipiu Ermera, maibe governu la preve orsamentu tuir plantasaun kafe, hodi troka kafe sira neebe tuan ona, tan nee kada tinan produsaun kafe tun iha tinan 3 tuir malu nee.
“Governu liu husi Ministeriu Agrikultura transfere ona osan ba iha Asosiasaun Kafe Timor Leste (ACTL) hodi halo reablitasaun ba plantasaun kafe ho total rihun rua atus ualu hektares, maibe hafoin halo verifikasaun husi povu agrikultor sira katak, ACTL foin halo reablitasaun ba deit kafe hektares rihun rua, no too agora seidauk atinji tarjetu Ministeriu Agrikultura nian,” dehan Deputadu Alexandrino da Costa iha Parlamentu Nasional, Tersa nee (21/03/2023).
Nia afirma, governu tenki tau importania ba folin kafe iha Munisipiu Ermera, tamba kompanhia ba sosa ho presu neebe kiik, implika ba povu agrikultor sira, tanba nee tenki estabelese presu neebe justu, atu nunee bele motiva agrikultor sira badinas liu tan hodi produs, tanba plantasaun kafe hanesan produtu primadona iha Munisipiu Ermera.
(mad)
