DILI, STLNEWS.co – Timor Leste atu adare ba Association of Southeast Asian Nation (ASEAN) iha tinan 2025, maski mentalidade Timor oan sei problema kompete iha merkadu, maibe garante sei mudansa ho esforsu tomak.
Tuir Deputada husi Bankada CNRT, Cedelizia Farria hatete, haree ba iha dezenvolvimentu ekonomia no komersiu iha rai laran, iha tinan 2023 nee, sei iha prosesu ba melhora ba dezenvolvimentu, tanba atu adere ba ASEAN sei 2025.
“Ita rekonhese Timor oan nia mentalidade mos sei problema, maibe hau fiar katak ho tinan rua tan nee naton, ho ita hotu esforsu, i governu mos esforsu makaas, neebe sei halo mudansa ba mentalidade, kompetisaun iha merkadu”, Deputada husi Bankada CNRT, Cedelizia Farria ba jornalista Kinta (06/09/2023) iha PN.
Nia hatete, haree ba dezenvolvimentu ekonomia iha rai laran, ladehan aat liu ka diak liu, maibe iha 60% diak ona, tanba foin sai husi situasaun Covid-19, situasaun kalamidade, neebe problema ekonomika, laos Timor-Leste deit mak hasoru, maibe mundu infrenta, impaktu husi Covid-19 no situasaun kalamaidade.
Entretantu, Deputadu husi Bankada KHUNTO, Luis Roberto hatete, relasiona ho TL atu adere ba ASEAN, nee daudaun nee esforsu hotu-hotu nian, i fiar katak governu ida nee sei esforsu liu tan.
“Hau hanesan reprentante povu husus atu hadai lai ita nia infraestrutura bazika, tanba haree ba agora povu sei halareik ba infraestrutura bazika, hanesan estrada, bee moos”, katak Luis.
Nia dehan, liga ba preparasaun nee governu daudaun nee halao esforsu hela i iha nasaun barak mak mai apoia prosesu TL atu adere ba ASEAN, maibe presiza hadia infraestrutura bazika hanesan bain-bain deklara ona.
Laos nee deit, maibe haree mos iha area ekonomia, politika, no kriteria hirak neebe iha prienxe, nunee adere ba ASEAN.
(gui)
