DILI, STLNEWS.co – Timor Leste (TL) atu adere ba ASEAN, setor privadu nasional tenki preparadu halo kompetisaun ho nasaun dezenvolvidu sira neebe mak hola parte iha ASEAN.
Tuir eis Ministru Negosiu Estranjeirus no Kooperasaun (MNEK), Luis Guterres, tama ASEAN nee iha oportunidade barak neebé presiza prepara.
“Aban bainrua ita tama ASEAN nee sei kompete entre setor privadu nasional ho mos setor privadu boot sira neebe mai husi nasaun seluk iha ASEAN, pais sira nee mesak boot i dezenvolvidu, neebe ita haree took ita nia setor privadu sira preparadu ka lae”, katak Luis Guterres “Lugu” ba STL liu husi mensajen, Kuarta nee (03/08/2020).
Nia dehan, governu prepara ona kondisaun, hanesan estimula sira nia kresimentu, atu setor privadu nasional bele enfrenta ho susesu nee tama ASEAN. Tanba susesu setor privadu nasional nee susesu mos ba TL.
(gui)
