Adere Ba ASEAN, TL Tenki Prepara Aan

DILI, STLNEWS.co – Timor Leste (TL) atu tama ba ASEAN, presiza prepara aan masimu, tanba bainhira tama ona, ema tama sai livre.

Tuir eis Deputadu PD, Ete-Uco Guterres, katak atu tama ASEAN née labele koalia deit, maibe tenki prepara aan masimu, atu nunee halo kompetisaun ho maluk ASEAN sira.

“Geografikamente TL nee iha ASEAN nia laran, tanba nee hakarak ka lakohi, simu ka lae, kleur ka lais, ita tenki tama duni iha ASEAN, maibe ita mos tenki prepara aan didiak, atu nunee bele halo kompetisaun ho ema seluk, tanba ita tama ona ba ASEAN nee ema tama mai nee livre,” katak eis Deputadu PD, Ete-Uco Guterres, iha Balide, Segunda nee (25/07/2022).

Nia dehan, prepara aan liu-liu ba setor sira neebe tuir ezijénsia sira nian, i importante mos rekursu umanus, tanba tama ASEAN née, politikamente, ekonomikamente, finansialmente, tantu esperiensia fali sira preparadu, tanba nee tenki prepara masimu, atu nunee sidadaun Timor oan labele sai penonton iha ASEAN.

Nunee mos Visi Bankada FRETILIN, Deputada Josefa Álvares katak, ida nee dezde uluk kedas, ema hotu mehi dehan TL atu tama ba ASEAN, maibe tenki prepara aan molok too iha neeba.

“Neebe ita labele tebe rai deit atu tama ASEAN, maibe la prienxe kriteria sira nee, entaun susar, tanba nee presiza prepara aan iha faze barak, labele hanoin katak buat hotu atu moris ho subsidiu, maibe tenki prepara aan oinsa atu halo kompetisaun ho ema, tanba nee labele taka odamatan ba ema seluk atu mai Timor-Leste, liu-liu maluk sira husu ASEAN,” katak Deputada Josefa.

Nia dehan, agora daudaun haree ba Timor deit negosiu Xina sira mak domina, mezmu koalia barak, maibe la buka atu hadia ekonomia, ida nee susar. Maibe hakarak atu adere ona ba ASEAN, entaun tenki prepara aan masimu hodi kompete ho rai seluk.

(gui)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...