DILI, STLNEWS.co – IX Governu liu husi Ministeriu Edukasaun Superior Siensia Kultura presiza fo apoiu makaas ba universidade privadu sira iha rai laran.
“Oinsa ukun nain ezerse sira nia knaar, agora ba universidade privadu sira, oinsa mak IX Governu iha ona hanoin atu fo apoiu makaas ba universidade privadu sira hodi bele asesu apoiu ruma, konaba fasilidade, infranstrutura, fo kapasitasaun ba profesor sira, entaun hadia edukasaun neebe diak liu tan,” dehan Hugo Lourenço da Costa hanesan Visi Reitor III asuntus Estudantil iha UNDIL ba STL, Tersa nee (04/07/2023).
Hugo dehan, husu ba Ministeriu Edukasaun Superior Siensia Kultural hadia kualidade edukasaun, atu nunee bele kompete iha nivel nasional no internasional, ho ida nee presiza hadia infraestrutura no seluk tan.
“Ita fo votus parabens ba ita nian membru IX Governu ninia, tanba foin hahu ministru ho visi ministru inklui sekretariu estadu foin atu ezerse sira nia servisu, importante saida mak Ministeriu Ensinu Superior halo ona, ida nee tenki kontinua servisu nasionalizmu, tanba sai ministru nee responsabilidade, entaun oinsa mak dezempenu servisu, ida nee mak profesionalidade, ukun nain tanba povu mak fo fiar,” nia afirma.
Iha parte seluk, Reitor ISC Sebastiao Perreira husu ba governu foun liu-liu ba Ministeriu Edukasaun tenki servisu tau matan nafatin ba fasilidade edukasaun sira nee oinsa, tanba nee ho membru governu foun hirak nee sei haree no tau matan ba setor edukasaun.
“Ba ita nian governu foun sira neebe simu ona pose nee, sira sei servisu durante loron 100 nia laran. Maibe enjeralmente sira nee sei halo atendimentu ba publiku. Ministru, ministra sira neebe horiseik simu nee hotu-hotu iha kapasidade. Ita hanoin katak sira nee iha kapasidade no konhesimentu ba iha sira nia area ida -ida,” dehan nia.
Entretantu, Diretor Ezekutivu TLCE, Jose Monteiro dehan, IX Governu liu husi Ministeriu Superior nafatin hadia kualidade edukasaun neebe mak diak, ho nunee ba futuru bele prepara rekursu neebe mak diak liu tan.
(jac)
