Arao-Carmelita La Re-eleitu, Kareta Ofer Ba Deputadu Foun

DILI, STLNEWS.co – Deputadu Arao Noe ho Deputada Carmelita Moniz neebe la re-eleitu fila fali iha mandatu VI Lejislatura iha uma fukun Parlamentu Nasional (PN), tanba nee transporte neebe durante nee sira uza halao servisu sei entrega ba Bankada CNRT, hodi bele ofer fali ba deputadu foun mai.

Tuir Xefe Bankada CNRT, Deputadu Duarte Nunee hatete, PPN hatete ona deputadu sira neebe la re-eleitu tenki entrega kareta PN, entaun husi Bankada CNRT, Deputadu sira neebe mak la re-eleitu mak hatama fali kareta, maibe ofer ba deputadu foun neebe sei mai iha mandatu VI Lejislatura nian.

“Maibe ami mos iha horbain rua, ami koalia ona ba Deputada Carmelita Moniz ho Deputadu Arao Noe, sira nain 2 mak la re-eleitu, entaun sira nian 2 nia kareta neebe uza ofer fali deit ba kolega deputadu foun sira neebe sei mai,” dehan nia ba STL liu husi telefone, Tersa (20/06/2023).

Nia hatutan, iha VI Lejislatura karik kareta foun mai, entaun kareta nee lao hela ba operasional nian, maibe ba Deputadu Bankada CNRT iha deputadu nain 21 iha mandatu V Lejislatura no agora iha VI Lejislatura, deputadus nain 2 mak la re-eleitu.

(dom)

LEAVE A REPLY

Please enter your comment!
Please enter your name here