Atauro Sai Divizaun Administrativa, Goja Ekonomiku Espesial

DILI, STLNEWS.co – Konselhu Ministru (KM) altera Munisipiu Atauro sai Divizaun Administrativa Teritoriu, no Atauro rasik goja ekonomika espesial, ida nee hanoin pozitivu husi Primeiru Ministru, tanba diak ba povu Atauro.

Turi Xefi Bankada CNRT, Duarte Nunes katak, konaba kestaun ida nee diak, maibe lei, neebe hein lei mai husi governu ba parlamentu mak haree.

“Klaru katak, iha benefísiu ba povu Atauro, tanba laiha benefísiu imposível Primeiru Ministru atu altera”, katak Xefi Bankada CNRT Duarte Nunes, ba STL Kinta (21/09/2023) iha PN.

Nia dehan, ho alterasaun nee diak, maibe agora foin inisiu atu lao ba iha neeba, tanba nee hein katak ba oin depois implementa nee nia sei iha benefisiu ba povu Atauro.

“Ho alterasaun husi Munisipiu ba Divizaun Administrativa, no Atauro rasik sei goja ekonomika espesial, neebe hanoin Xefi Ezekutivu diak ba povu Atauro “, tenik Xefi Bankada CNRT.

Entretantu Visi bankada FRETILIN David Dias Mandati katak, konaba asuntu nee nia parte lafo komentariu, tanba nee bele husu ba Komisaun neebe mak haree kona ba asuntu nee.

Tuir informasaun neebe STL asesu, IX Governu liu husi Konselhu Ministru iha Segunda nee, aprova ona projetu Proposta Lei, neebe aprezenta husi Ministru Administrasaun Estatal, Tomás do Rosário Cabral, konaba alterasaun dahaat ba Lei no 11/2009, loron 7 fulan Outubru, neebe aprova Divizaun Administrativa Territoriu.

(gui)

LEAVE A REPLY

Please enter your comment!
Please enter your name here