DILI, STLNEWS.co – Primeiru Ministru (PM) Kay Rala Xanana Gusmão simu audensia husi reprezentante Governu Australia ba asuntu Greater Sunrise, hodi diskuti konaba investimentu projetu nee rasik.
Tuir Reprezentante Governu Australia ba Asuntu Greater Sunrise, Steve Btacks katak, objetivu husi enkontru ho Primeiru Ministru ho Ministru Petroleum no Minerais, atu diskuti konaba maneira ba oin atu dezenvolve projetu Greater Sunrise nian.
Tuir nia, investimentu ida nee presiza aselera lais, tanba governu Australia rekonhese projetu Greater Sunrise benefisiu boot ba povu Timor Leste, tanba sei sustenta dezenvolvimentu nasaun nee iha futuru.
“Australia rekonhese projetu Greater Sunrise importante tebes ba ema Timor sira nomos ba familia sira hotu, Australia komitmentu atu servisu hamutuk ho Timor-Leste dezenvolve projetu ida nee iha oin, iha maneira neebe mak viavel no teknikamente viavel ba projetu ida nee,” dehan Reprezentante Governu Australia ba asuntu Greater Sunrise, Steve Btacks ba jornalista sira hafoin remata enkontru ho Primeiru Ministru iha Palasiu Governu, Segunda nee (18/09/2023).
Nia hatutan, iha vizita nee laos foin dahuluk, maibe vizita nee dahaat hanesan reprezentante espesial ba Greater Sunrise nian, sei iha vizita atu diskuti klean liu tan, atu dezenvolve projetu ida nee ba oin iha tempu badak, karik tinan oin fulan Junhu.
(alb)
