DILI, STLNEWS.co – Timor-Leste opta ona dokumentus fraternidade umana, no oras nee besik ona eleisaun, presiza promove kultura demokrasia.
Tuir Asesor Fratenidade Umana iha Palasiu Prezidente, Martinho Gusmao hatete, ohin enkontru entre asesor husi Prezidensial Republika no Parlamentu Nasional, koalia konaba tinan ida nee Timor adopta dokumentus fraternidade umana, i tinan ida nee hahu, maibe dokumentu opta iha dia 13 Maiu, maibe momentu neeba sei kampanha manas hela, neebe hanoin atu halo iha dia 13 ou 14 Abril.
“Intensaun dokumentus fraternidade umana, PR ho PPN ami hanoin katak, ita halo eventu ida atu hodi apela ba partidu politiku sira bainhira atu tama ba eleisaun nee halo demokrasia, ita promove liu tan kultura demokratika tuir dokumentus fraternidade umana, nomos tuir ita nia konstituisaun”, informa Asesor Fratenidade Umana iha Palasiu Prezidente, Martinho Gusmao ba jornalista sira iha PN, Sesta (24/03/2023).
Nia dehan, sira koko took iha tinan ida nee, nia halo lansamentu ba livru ida, aumezmu tempu mos halo seminar no konvida lider relijiozu sira kardeal bispu, no deputadu sira ho membru governu, partidu politiku atu tuur hamutuk hodi hanoin buat nee.
Tuir nia, tanba Timor besik ona halo tinan 50, eleisaun nee atu hodi forma governu, neebe deputadu sira prepara aan atu tama iha tinan 50 Timor hahu luta ba ukun rasik aan 74 mai too 75, neebe agora atu tama ba 2024 tuur hamutuk atu aguarda ida nee.
(gui)
