Bis Dili – Kupang, Governu Presiza Hadia Infraestrutura

DILI, STLNEWS.co – Timor Leste (TL) ho Indonezia halo konkordansia haforsa konektividade husi terestre, neebe realiza rute bis trans diresaun Kupan-Dili no maritima sei loke rute roo Kupang-Dili iha tempu badak nia laran, nee hanoin diak, maibe governu presiza hadia infraestrutura no mos terminal sira iha Dili laran.

Kestaun nee hatoo husi Diretor Ezekutivu Luta Hamutuk, Jose Alves da Costa, ba STL iha nia knaar fatin Farol, Kuarta nee (03/08/2022).

“Iha semana kotuk iha ona konkordansia entre Timor Leste ho Indonezia atu estabelese movimentu ida efetivu iha politika, neebe liga liu terestre nian, sei iha transporte damri husi Kupang Atambua mai Dili, depois husi Dili ba fali Kupan Atambua. Ida nee sai oportunidade diak, tanba durante nee mos ita hasoru difikuldade balu, liu-liu iha viajen nian. Hanesan nasaun, ita mos prepara intermus infraestrutara sira, tanba durante nee hatene katak ita nia terminal seidauk preparadu hanesan Tasi Tolu, Bekora no Taibesi,” dehan nia.

Nia hatutan, durante nee Timor Leste seidauk preparadu diak, tanba nee presiza prepara uluk infraestrutura, oinsa atu melhora liu tan ba iha operasaun transporte, nunee iha mos benefisiu ekonomikamente iha Timor.

Nunee mos eis Prezidente Rede Feto, Judite Dias Ximenes hatete, politika atu halo konkordansia ba konektividade terestre hodi realiza rute bis Dili-Kupan no Kupang-Dili diak, tanba bele lori vizitante barak mai vizita fatin turizmu iha Timor Leste. “Presiza mak dezenvolve fatin turizmu sira bele atrai tan ema, tanba bainhira implementa ona konektividade terestre nee fasilita ema mai barak no Timor oan mos fasil atu halo vizita ba nasaun vizinhu,” katak nia.

(eme)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...